Tómas Ellert hættur í Miðflokknum: „Hamingjusamur, glaður og frjáls“

Tómas Ellert Tómasson hefur sagt sig úr Mið­flokknum en hann var einn af stofn­endum flokks­ins árið 2017.

Sunn­lenska segir frá því að Tómas Ellert Tómasson, fyrr­ver­andi bæj­ar­full­trúi Mið­flokks­ins í Árborg, hafi í morgun til­kynnt úrsögn sína úr Mið­flokknum á Facebook.

„Á mið­nætti varð ljóst að í fyrsta sinni geng ég nú óflokks­bund­inn til Alþing­is­kosn­inga. Ham­ingju­samur, glaður og frjáls,“ sagði Tómas Ellert í Facebookfærslu í morgun.

Hafði Tómas gefið kost á sér í odd­vita­sæti Mið­flokks­ins í Suð­ur­kjör­dæmi fyrir kosn­ing­arnar í lok nóv­em­ber. Dró hann fram­boðið til baka og í gær­kvöldi kom í ljós að Karl Gauti Hjalta­son, lög­reglu­stjóri í Vest­manna­eyjum, verður í odd­vita­sæti list­ans.

„Ég vil bara þakka Mið­flokknum og fólk­inu sem þar starfar fyrir sam­fylgd­ina síð­ast­liðin 7 ár og óska þeim vel­farn­aðar í fram­tíð­inni,“ sagði Tómas Ellert í sam­tali við sunn­lenska.is.

Tóms bætir við: „Enginn veit sína ævi fyrr en öll er í þessum bransa. Ég er ekki hættur að starfa í póli­tík, þetta er veira sem tók ból­festu í mér á barns­aldri og mér þykir harla ólík­legt að hún sé á förum í bráð.“

Frá árinu 2018 til 2022 var Tómas Ellert bæj­ar­full­trúi Mið­flokks­ins í Árborg en hann hefur einnig gengt ýmsums trún­að­ar­störfum fyrir flokk­inn. Var hann meðal ann­ars kosn­inga­stjóri á lands­vísu í Alþing­is­kosn­ing­unum 2021. Þá átti hann sæti í mál­efna­nefnd flokks­ins og var vara­for­maður kjör­dæma­fé­lags­ins í Suð­ur­kjör­dæmi.