Fáir treysta Sigurði Inga í efnahagsmálum – Kristrún Frostadóttir nýtur yfirgnæfandi trausts

Kristrúin Frosta­dóttir nýtur lang­mests trausts lands­manna þar sem kemur að efna­hags­málum. Í skoð­ana­könnun sem Gallup gerði fyrir Sam­fylk­ing­una kemur í ljós að 37,5 pró­sent lands­manna telja að Kristrúnu sé best treystandi til að leiða efna­hags­málin.

Sig­mundur Davíð Gunn­laugs­son, for­maður Mið­flokks­ins, fær næst­besta nið­ur­stöðu í könn­un­inn. 17.5 pró­sent aðspurðra töldu hann vera hæf­astan til að leiða þjóð­ina í efna­hags­málum. 17 pró­sent segj­ast treysta Bjarna Bene­dikts­syni, núver­andi for­sæt­is­ráð­herra og fjar­mála­ráð­herra þar á undan. Athygl­is­vert er að þeir njóta innan við helm­ings þess stuðn­ings sem Kristrún fær.

Þor­gerður Katrín Gunn­ars­dóttir, for­maður Við­reisnar, kemur þar á eftir með 8,7 pró­sent stuðn­ing. Inga Sæland, for­maður Flokks fólks­ins, er með 7,5 pró­sentog Sigurður Ingi Jóhanns­son, for­maður Fram­sókn­ar­flokks­ins og starf­andi fjár­mála­ráð­herra, er ein­ungis með stuðn­ing 6,8 pró­senta. Af leið­togum stjórn­ar­flokk­anna nýtur Svandís Svav­ars­dóttir lang­minnsta stuðn­ings­ins. Aðeins 2,2 pró­sent treystra henni til að fara með efna­hags­mál Íslend­inga.

Könnunin var fram­kvæmd á dög­unum 25. októ­ber til 1. nóv­em­ber. Úrtakið var 1.731 manns. 845, svör­uðu könn­un­inni.