Fréttastofa Stöðvar 2 birti í gærkvöld upptökur sem eru að baki fréttum Heimildarinnar um Gunnar Bergmann Jónsson fasteignasali em lýsti því að faðir hans, Jón Gunnarsson, hefði gert hrossakaup um að fá að fara inn í matvælaráðuneytið og tgryggja þar framgang hvalveiðileyfi. Á upptökunni hér að neðan má sjá Gunnar lýsa bralli föður síns á fundi með viðskiptavini sem hafði látið glitta í milljarðaviðskipti. Jón sagði í framhaldinu að sonur hans hefði einfaldlega verið að gera sig breiðan og logið til um hrossakaupin í samtalinu við útsendara ísraelsks njósnafyrirtækis. Bjarni Benediktsson taldi einnig að engin innistæða væri fyrir lýsingu Gunnars Bergmanns.
Fyrir liggur að Bjarni skipaði Jón sem aðstoðarmann sinn í ráðuneytinu. Jafnframt er hann nú í fimmta sæti á lista Sjálfstæðismanna í Kraganum eftir að hafa verið niðurlægður í kosningu um annað sætið. Sama daga og fyrir lá að upptökurnar yrðu opinberar þá gaf Bjarni út að Jón hefði ekki lengur fyrri aðgangsheimildir í ráðuneytinu. Bjarni tilkynnti ráðuneytisstjóra í matvælaráðuneytinu að Jón Gunnarsson ætti ekki að koma nálægt útgáfu eða vinnu við hvalveiðileyfa.
Á leyniupptöku ísraelska fyrirtækisins er rödd tálbeitunnar breytt svo hún þekkist ekki. Ríkislögreglustjóri hefur gefið út að rannsakað verði hvernig staðið var að tálbeituaðgerðinni. Þeir sem komui að því að blekkja Gunnar Bergmann eru allir horfnir sporlaust.
Upptakan sem Vísir og Stöð 2 birtu sýnir Gunnar, sem er fyrrverandi framkvæmdastjóri félags Hrefnuveiðimanna, að snæðingi á Edition-hótelinu.
Athugasemdir