Drífa um mál Þórðar Snæs: „Við höfum farið í gegnum þetta handrit áður“

Drífa Snædal vill að stjórn­mála­fólk verði spurt hvernig það ætli að beita sér gegn kyn­bundnu ofbeldi og kven­fyr­ir­litn­ingu í sam­fé­lag­inu.

„Þórður tekur ekki sæti á þingi og hvað svo?

Við höfum farið í gegnum þetta hand­rit áður, það kemst upp um gamla eða nýja kven­fyr­ir­litn­ingu, umræða fer af stað, við­kom­andi stígur til hliðar/segir af sér og þá hefst „maður að meiri“ tíma­bilið og svo er allt búið. Svo ger­ist ekk­ert meir fyrr en næsta afhjúpun verður. Ef þú leggur ekki lag þitt við flokk sem vill kven­frelsi, heldur til dæmis flokk sem vill hefta sjálfs­á­kvörð­un­ar­rétt kvenna þá get­urðu setið sem fast­ast og þarft ekki að biðj­ast afsök­unar á neinu.“ Þannig hefst Facebook-færsla tals­konu Stíga­móta, Drífu Snædal sem hún birti í dag. Og hún heldur áfram:„Við sem brugð­ust við síð­ustu afhjúp­unum óskuðum eftir upp­gjöri við ógeðs­legt tíma­bil í okkar lífi og í sam­fé­lag­inu en jafn­framt umræðu um hver staðan er í dag. Það er enn ríkj­andi kven­fyr­ir­litn­ing og hún birt­ist í kyn­bundu ofbeldi og kyn­bundnum launa­muni til dæmis. Það að einn maður stigi til hliðar eykur ekki öryggi kvenna í dag eða sjálfs­á­kvörð­un­ar­rétt og leið­réttir ekki van­mat á fram­lagi kvenna til sam­fé­lags­ins.Hvað er þá til ráða? Eigum við að krefj­ast þess að fram­bjóð­endur allir sem synt hafa kven­fyr­ir­litn­ingu víki? Af nógu er að taka og auð­velt að birta allan sor­ann sem gengið hefur kvenna á milli síð­ustu tvo daga með upp­rifj­unum. Er það okkar verk­efni sem stóðum í eld­inum fyrir tutt­ugu árum síðan að fara í þetta upp­gjör eða getum við kraf­ist þess að þeir sem báru ábyrgð á þeirri menn­ingu geri það? Er það hlut­verk okkar kvenna og kvára sem stöndum í eld­inum í dag að hjálpa drengjum og körlum með við­horf sín eða er hægt að krefja karla um að vera góðar fyr­ir­myndir og virkja sig og aðra í bar­áttu gegn ofbeldi og kven­fyr­ir­litn­ingu?“

Að end­ingu spyr Drífa hvort það sé ekki eði­legt að spyrja stjórn­mála­flokk út í þeirra plan í mála­flokk­inum:

„Er ekki eðli­legt að það sé með fyrstu spurn­ingum sem stjórn­mála­fólk er spurt að: Hvernig á að upp­ræta kyn­bundið ofbeldi og aðra kven­fyr­ir­litn­ingu? Hvernig ætlar þú að beita þér í þessu stærsta hags­muna­máli kvenna og kvára?“