Bók um Geirfinnsmálið lýsir villigötum lögreglu: Geirfinnur sagður hafa verið myrtur heima hjá sér

Ný bók um Geir­finns­málið, Leitin að Geir­finni, kemur út í dag þegar hálf öld er liðin frá hvarfi Kefl­vík­ings­ins sem hvarf spor­laust eftir að hafa skroppið út í búð eftir tóbaki.

Sig­urður Björg­vin Sig­urðs­son, höf­und­ur bók­ar­innar, Leit­in að Geirfinni, seg­ist vita hvað henti Geirfinn Ein­ars­son að kvöldi 19. nóv­em­ber 1974. Hann segir að Geirfinn­ur hafi beðið bana í átök­um framan við heim­ili sitt en það teng­ist ekki því sem lög­regl­an og sak­sókn­ari héldu fram og dæmt var eft­ir í Hæsta­rétti árið 1980 þegar rétt­ar­morð var framið á Sævari Ciesielski og fleri ung­mennum. Þau fengu upp­reist æru árið 2018.

Í bók­inni segir að öskur hafi borist frá heim­ili Geir­finns. Ná­granni Geir­finns seg­ist hafa orðið vitni að átök­um við heim­ili Geir­finns að kvöldi 19. nóv­em­ber. Sá var þá á barns­aldri. Geirfinn­ur hafi legið eft­ir, ann­að­hvort lát­inn eða stór­slas­aður, en barnið flúði að sögn skelkað heim til sín.

Sig­urður og þeir sem aðstoðu hann við gerð bók­ar­inn­ar ætla að  koma gögn­um og vís­bend­ing­um sem þau hafa und­ir hönd­um til emb­ætt­is rík­is­sak­sókn­ara.

„… En þess­ar upp­lýs­ing­ar eiga heima hjá sak­sókn­ara. Yf­ir­völd geta not­ast við rann­sókn­ar­heim­ild­ir sem ég get ekki. Að mínu mati þarf að ljúka þessu máli og það ætti ekki að vera erfitt þótt vita­skuld megi fara var­lega að fólki,“ sagði Sig­urður í sam­tali við Morg­un­blaðið í dag.

Leir­finnur.

Mynd: Salv?r Krist­jana Giss­ur­ard?ttir

Í bók­inni er því haldið fram að máls­at­vik hafi verið með allt öðrum hætti en rann­sókn­in gekk út á. Geirfinn­ur hafi ekki átt stefnu­mót við neinn í Hafn­ar­búð­inni held­ur hafi ein­fald­lega keypt sér síga­rett­ur. Hann hafi ekki fengið sím­tal eft­ir að hann kom heim og hafi ekki gengið heim held­ur fengið far.

Í bók­inni er bent á að lög­regl­an hafi aldrei rætt við ná­granna Geir­finns en bók­ar­höf­und­ur hef­ur heim­ild­ir fyr­ir því að ná­grann­ar hafi heyrt ösk­ur koma frá heim­ili Geir­finns um kvöldið. Svipaða frá­sögn er að finna í skýrslum lög­regl­u.

Jón Grímsson árið 2016 með einu barna­barna sinna.

Koma Geir­finns í Hafn­ar­búð­ina var talin lyk­il­at­riði hvað örlög hans varðar. Annar maður átti einnig að hafa komið þar og var sá tal­inn vera lík­legur ger­andi. Stytta var gerð eftir lýs­ingu sjón­ar­votta og nefnd Leir­finnur. Seinna kom á dag­inn að lýs­ingin pass­aði við Jón Grímsson, þáver­andi starfs­mann í Sigöldu, sem lýsti því í bók­inni Ameríska draumnum þegar hann kom í Hafn­ar­búð­ina til að hringja. Hann hafði komið til Kefla­víkur frá Reykja­vík til að ná í bif­reið og hringdi til að fá leið­bein­ingar.  Óumdeilt er að Jón, sem lést fyrir örfáum árum, hafði ekk­ert með hvarf Geir­finns að gera.