Fáir hafa verið jafn mikið tannanna á fólki í kosningabaráttunni og Snorri Másson, tilvonandi þingmaður Miðflokksins, en hann fékk mikið pláss í fjölmiðlum og hefur tengslanet hans sem fyrrverandi fréttamaður eflaust hjálpað honum í þeim efnum. Orðræða hans hefur þótt umdeild á köflum og jafnvel hatursfull að mati sumra hópa en stuðningsmenn Miðflokksins telja fréttamanninn fyrrverandi vonarstjörnu íslenskra stjórnmála.
Stuðningsmennirnir gætu þó mögulega skipt um skoðun ef spá fjölmiðlamannanna Stefáns Einars Stefánssonar og Gísla Valdórssonar rætist en þeir greindu frá því í kosningasjónvarpsþætti Hjörvars Hafliðasonar á YouTube að þeir telji að Snorri muni ganga til liðs við Sjálfstæðisflokksins áður en komandi kjörtímabili lýkur. Þrálátur orðrómur hefur verið í gangi um nokkurt skeið að hann hafi sóst eftir sæti ofarlega á lista Sjálfstæðisflokksins en að Miðflokkurinn hafi boðið betur …
Athugasemdir