Bjarni leyfir hvalveiðar til næstu fimm ára

Bjarni Bene­dikts­son hefur gefið út veiði­leyfi á langreiðum til Hvals hf, auk leyfis til veiða á hrefnu til tog- og hrefnu­veiði­báts­ins Halldórs Sig­urðs­sonar ÍS 14, sem Tjald­tangi ehf. á. Þetta kemur fram í til­kynn­ingu á vef Stjórn­ar­ráðs­ins.

Forsætis- og mat­væla­ráð­herra, Bjarni Bene­dikts­son veitir veiði­leyfin til fimm ára, líkt og gert var 2009, 2014 og 2019. Fram­lengj­ast leyfin um eitt ár og er er heim­ilt að flytja allt að 20 pró­sent af veiði­heim­ildum hvers árs yfir á það næsta. Sem fyrr munu Fiski­stofa og Mat­væla­stofnun hafa eft­ir­lit með veið­unum.

Þrjár leyf­is­um­sóknir bár­ust til hrefnu­veiða og ein til veiða á lang­reyðum. Einungis voru tvö leyfi veitt að fengnum umsögnum Fiski­stofu og Haf­rann­sókn­ar­stofn­unar.

Fram kemur í til­kynn­ing­unni að „stjórn­un á nýt­ingu lif­andi auð­linda sjáv­ar á Íslandi er í föst­um skorðum og skal leyfi­leg­ur heild­arafli á lang­reyði og hrefnu fylgja veiði­ráð­gjöf Haf­rann­sókna­stofn­un­ar sem bygg­ir á sjálf­bærri nýt­ingu og var­úð­ar­nálg­un. Ráðgjöf­in er byggð á út­tekt­um Norður-Atlants­hafs­sjáv­ar­spen­dýr­aráðs­ins (NAMMCO) og mæl­ir fyr­ir um að ár­leg­ar veiðar á lang­reyði á tíma­bil­inu 2018-2025 nemi ekki meira en 161 dýr­um á veiði­svæð­inu Aust­ur-Græn­land/​Vest­ur-Ísland og að há­marki 48 lang­reyðum á svæð­inu Aust­ur-Ísland/​Fær­eyj­ar.“

Þá er bent á að ráð­gjöf Haf­rann­sókn­ar­stofn­unar um veiðar á hvölum fyrir árin 2018 til 2025, skír­skotar til stofn­mats­þróun frá 2017, hvar greint er frá því að frá upp­hafi hvala­taln­inga 1987, hafi lang­reyðum fjölgað við Ísland.

„Fjöld­inn í síð­ustu taln­ingu (2015) var sá mesti síðan taln­ing­ar hóf­ust. Besta leið­rétta mat fyr­ir allt taln­inga­svæði Íslands og Fær­eyja árið 2015 var 40.788 lang­reyðar, þar af 33.497 á Aust­ur Græn­lands-Íslands stofn­svæð­inu.“

Þá kemur einnig fram í til­kynn­ing­unni að Haf­rann­sókn­ar­stofnun mæli með að árlegar veiðar á hrefnu frá 2018 til 2025, verði ekki fleiri en 217 hrefnur. Sex hrefnur voru veiddar ári 2018 og aðeins ein árið 2021. Á þessu ári hafa engar lang­reyður verið veiddar hér við land en árið 2022 voru 148 dýr veidd en þá hafði staðið yfir þriggja ára veiði­hlé. Þá voru 24 lang­reyður veiddar árið 2023.