Björn Ingi Hrafnsson, ritstjóri Viljans, þykir hafa sterk bein. Mörg undanfarin ár hefur hann gengið í gegnum fjölda gjaldþrota sem rekja má til lífstíls hans, reksturs á fjölmiðlum og starfa á sviði stjórnmála. Heimildin rekur gjaldþrotasögu Björns Inga sem reiknast samanlagt vera upp á 1800 milljónir króna.
Fyrsta félag Björns Inga sem fór í þrot var Caramba sem fékk fyrirgreiðslu án trygginga hjá Kaupþingi til að kaupa í Exista. Félagið fór í þrot árið 2011. Það kom við sögu í Rannsóknaskýrslu Alþingis sem dæmi um ruglið sem viðgekkst. Björn Ingi var aðstoðarmaður Halldórs Ásgrímssonar forsætisráðherra og seinna borgarfulltrúi Framsóknarflokksins. Stjórnmálaferll hans endaði snögglega eftir innri átök í flokknum.
Eftir þetta stofnaði Bingi fjölda fjölmiðla og var um tíma sannkallaður risi á þeim markaði. Sú spilaborg hrundi svo smám saman og sjálfur fór hann í persónulegt gjaldþrot vegna skulda sinna. Ættaróðal fjölskyldunnar á Másstöðum var selt og ekkert varð af byggingu bænahúss sem hann hafði boðað að risi undir Akrafjalli.
Seinasta gjaldþrotið í þessari hrinu var svo á dögunum þegar Útgáfufélag Viljans var úrskurðað gjaldþrota í vikubyrjun. Kröfur upp á 43 milljónir króna voru afskrifaðar.
Margir dást að elju Björns Inga sem rís gjarnan upp ur öskunni, alfiðraður eins og fuglinn Fönix og finnur sér nýjan vettvang þar sem hann miðlar af þekkingu sinni og innsæi.
Á tímum Covid mætti hann nánast á hvern einasta blaðamannafundi þríeykisins og spurði spurninga í nafni Viljans. Undir það síðasta hefur hann verið fastur álitsgjafi á útvarpsstöðinni Bylgjunni. Hann þykir sjá fyrir horn þegar stjórnmál eru annars vegar og er gjarnan mikið niðri fyrir …
Athugasemdir