Þungavigtarmenn yfirgefa Ríkisútvarpið – Stjörnufréttamenn og Skarphéðinn halda á braut

Þrír stjörnu­frétta­menn og dag­skrár­stjóri eru þessi miss­erin að yfir­gefa Rík­is­út­varpið.

Benedikt Sig­urðs­son, ham­fara­f­rétta­maður á frétta­stofu Rík­is­út­varps­ins, hefur ákveðið að láta af störfum.

Brott­hvarf hans er nokkur blóð­taka fyrir frétta­stof­una en Benedikt hefur sagt ítar­legar fréttir af nátt­úru­ham­för­unum í Grinda­vík. Benedikt stað­festir brott­hvarf sitt á á eirik­urons­son.is en fékkst ekki til að upp­lýsa um ástæður þess.

Annar þaul­reyndur og áber­andi frétta­maður, Valur Gretts­son, hefur einnig yfir­gefið rík­is­stofn­un­ina eftir tveggja ára starf. Hann færði sig yfir á Heim­ild­ina.

Arnar Björns­son frétta­maður hætti í nóv­em­ber. Hann hafði þá starfað í yfir 40 ár á RÚV, lengst af sem íþrótta­f­rétta­maður. DV sagði frá brott­hvarfi hans. Arnar sagði að ástæða þess væri að sú að hann þjáð­ist af hrygg­gigt og hann glímdi við stöðuga verki. Hann er fæddur árið 1958 og eitt ár í að hann kom­ist á eft­ir­laun.

Skarp­héð­inn Guð­munds­son dag­skrár­sjóri er einnig á förum. „Ég er ekki að láta af störfum vegna ein­hvers ann­ars starfs sem bíður,“ sagði hann við DV sem fyrst sagði frá brott­hvarf­inu. Hann full­yrðir að ekk­ert drama fylgi starfs­lok­unum.

Rík­is­út­varpið hefur verið í tapi und­an­farið, þrátt fyrir að hafa selt dýr­mætar lóðir við höf­uð­stöðvar sínar. Nokkur ólga hefur verið innan stofn­un­ar­innar vegna Símamáls Páls Stein­gríms­sonar skip­stjóra en víst er talið að sími hans hafi verið brot­inn upp í höf­uð­stöðvum fyr­ir­tæk­is­ins. Þau mál tengj­ast ekki brott­hvarfi þeirra sem nú kveðja.

Stefán Eiríks­son útvarps­stjóri var nýverið end­ur­ráð­inn til fimm ára.