Jón Gnarr dæmdur í héraðsdómi fyrir að trufla störf Alþingis: „Þið hafið svikið fólkið“

Jón Gnarr, til­von­andi þing­maður Við­reisnar, var árið 1999 dæmdur fyrir röskun á fund­ar­friði á Alþingi en Morg­un­blaðið sagði frá mál­inu.

Forsaga máls­ins er sú að Jón Gnarr og Sigurjón Kjart­ans­son stýrðu á þeim tíma útvarps­þætt­inum Tvíhöfða á X-inu. Þann 18. des­em­ber 1998 var Jón Atli Jónsson, sem var starfs­maður X-ins, sendur á Alþingi sem hluti af beinni útsend­ingu þátt­ar­ins en Jón Atli var með far­síma sem var tengdur útsend­ing­unni í útvarp­inu. Markmið Jóns Atla var að reyna láta hand­taka sig en það var um tíma fastur liður í þætt­inum á föstu­dögum.

„Góðan dag­inn, þið hafið svikið fólkið með gagna­grunns­frum­varp­inu. Fólkið í land­inu mun ekki líða þetta,“ hróp­aði Jón Atli yfir þingsal­inn á meðan þing­fundi stóð yfir. Jón Atli var í kjöl­farið hand­tek­inn.

„Við þekktum ekki þetta ferli og bjugg­umst ekki við að málið hefði þessi eft­ir­mál. Við vorum leiðir yfir þessu og báðumst fyr­ir­gefn­ingar,“ sögðu Sigurjón og Jón við Morg­un­blaðið eftir að kom í ljós að Alþingi ætl­aði að kæra Tví­höfða­menn og Jón Atla en útvarps­menn­irnir sendu Alþingi blóm­vönd til að biðj­ast afsök­unar.

„Blómin voru end­ur­send og það fannst okkur ekki fal­legt og það særði hjarta okkar Tví­höfða­manna. Menn van­treystu greini­lega ein­lægni okkar og héldu að hún væri ein­hvers konar kald­hæðni, sem hún var ekki,“ segja Jón og Sigurjón. „En ef skrif­stofu­stjóri Alþingis vill ekki blóm verður að gera eitt­hvað annað. Hann sagði í Morg­un­blað­inu í gær að hann vildi fá afsök­un­ar­beiðni beint frá okkur og við erum að hug­leiða hvort við verðum við því. Við erum bara sak­lausir grínistar og okkur finnst þetta ógur­lega leið­in­legt og okkur tekur þetta sárt. Við erum góðir strákar og grínistar, viljum engum illt og heitum því að gera þetta ekki aftur,“ sögðu Tví­höfða­menn.

Finnst þetta ekki spennandi

„Mér finnst mjög ein­kenni­legt að gera okkur að for­dæmi. Við gerum engum illt og höfum aldrei gert. Við erum búnir að biðj­ast fyr­ir­gefn­ingar og viljum gera það enn og aftur. Við nennum ekki að standa í lög­reglu­málum, okkur finnst þau ekki spenn­andi og erum ekki í kross­ferð gegn kerf­inu,“ hélt Jón Gnarr áfram.

„Þetta var mjög stutt röskun, ég held að kallið hafi tekið fimm sek­úndur allt í allt, og þing­menn gátu haldið áfram störfum sínum óáreittir. Hug­myndin var sú að setja þetta upp sem dæmi um hvað myndi ger­ast ef ein­hver reyndi slíkt á Alþingi og þetta var mönnum svo sann­ar­lega víti til varn­aðar. Mér sýn­ist að skrif­stofu­stjóri Alþingis sé að setja þetta upp sem ein­hvers konar próf­mál,“ sagði Sigurjón svo.

Tví­höfða­menn og Jón Atli fengu svo skil­orðs­bund­inn dóm til eins árs í and­litið fyrir grínið og þurftu að greiða allan máls­kostnað.