Ógnuðu húsráðanda með hnífi og reyndu svo að stinga lögregluna af

Eitt og annað hefur lög­reglan á höf­uð­borg­ar­svæð­inu þurft að huga að frá fimm í morgun til fimm í dag, sam­kvæmt dag­bók hennar.

Lög­reglan sem sér um mið­borg Reykja­víkur fékk til­kynn­ingu um tvo aðila sem höfðu haft í hót­unum við hús­ráð­anda og að annar þeirra hefði verið vopn­aður hnífi. Til­kynn­ing­unni fylgdi að þeir væru á leið af vett­vangi en lög­reglan fann þá stuttu síðar en þeir fóru ekki að fyr­ir­mælum hennar og hlupu í burtu. Skömmu síðar náðusti þeir þó og voru þeir báðir hand­teknir og vistaðir vegna máls­ins

Þá var til­kynnt um brotna rúðu í skóla en ekki var vitað hvort farið hafi verið inn í hús­næðið eða ekki.

Hleðslu­stöð Nova varð eldi að bráð en sam­kvæmt til­kynn­ing­unni var elds­voð­inn ekki tal­inn alvar­legur.

Til­kynn­ing barst einnig frá bíla­stæða­húsi Kringl­unnar en þar hafði öku­maður keyrt á vegg og síðan gengið inn í Kringl­una eins og ekk­ert væri. Ekki fylgdi sög­unni hvernig málið end­aði.

Nokkur dæmi voru um aðila sem óku undir áhrifum fíkni­efna eða áfengis og svo var til­kynnt um þjófnað á bif­reið. Þá var einnig til­kynnt um inn­brot á vinnu­svæði sem olli ein­hverjum skemmdum og verk­færi voru tekin.

Að lokum segir frá eld sem kvikn­aði í ruslagámi við Spöngina.