Fimm blaðamenn drepnir á Gaza – Þriðja barnið fraus í hel

Fimm blaða­menn voru myrtir á Gaza í nótt. Þriðja barnið fraus í hel.

Ísra­els­her drap fimm blaða­menn í loft­árás á Gaza í nótt. Blaða­menn­irnir sváfu í sendi­bíl, kyrfi­lega merktum með orð­unum „press“, þar sem þeir hefðu átt að vera öruggir. Eins og margir blaða­menn sem starfa á Gaza höfðu þeir komið sér fyrir í sendi­bílnum sínum í þeirri trú að þeir myndu vera óhultir fyrir árásum. Tala lát­inna fjöl­miðla­manna á Gaza er nú komin upp í að minnsta kosti 146, á aðeins rúmu ári.

Hinir látnu.

Þriðja barnið fraus í hel

Vetr­ar­kuld­inn bítur nú á Palest­ínu­mönnum sem margir hír­ast um í tjöldum en í gær fraus þriðja barnið í hel. Faðir eins þeirra tjáði sig við fjöl­miðla nýverið.

Aðstæður Palest­ínu­manna er hræði­leg á Gaza.

Mahmoud al-Faseeh, faðir þriggja vikna stúlkunnar sem fraus til bana á al-Mawasi svæð­inu í suð­ur­hluta Gaza, ræddi stutt­lega við frétta­menn um dauða dóttur sinnar, Silu.

„Við búum við slæmar aðstæður inni í tjald­inu okkar,“ sagði al-Faseeh.

Bætti hann við: „Við sofum á sand­inum og höfum ekki nóg teppi. Við finnum fyrir kuld­anum inni í tjald­inu okkar. Aðeins Guð þekkir aðstæður okkar. Staða okkar er mjög erfið. Það varð mjög kalt á einni nóttu og við full­orðna fólkið gátum ekki einu sinni umborið það. Við gátum ekki haldið á okkur hita,“ sagði hann við Associated Press frétta­stof­una.“

Á mið­viku­dags­morgun kom al-Faseeh að dóttur sinni lát­inni.

„Hún var eins og tré,“ sagði hann.