Eigandi Tinda ævareiður vegna umfjöllunar RÚV um hnífaárásina: „Þetta er bara lygi og kjaftæði“

Eigandi sveita­bæj­ar­ins Tindar á Kjal­ar­nesi er brjáluð út í frétta­stofu Rík­is­út­varps­ins vegna umfjöllun hennar um hnífa­árás­ina sem framin var í næsta húsi á gamlárs­kvöld.

Hjúkr­un­ar­fræð­ing­ur­inn Halldóra Bjarna­dóttir, eig­andi sveita­bæj­ar­ins Tindar á Kjal­ar­nesi seg­ist í sam­tali við Mannlíf vera brjáluð vegna umfjöll­unar RÚV um hnífa­árás­ina sem átti sér stað í næsta húsi við sveitabæ hennar á gamlárs­kvöld en þar var full­yrt að árásin hafi gerst á gisti­heim­il­inu Tindar. Halldóra og eig­in­maður hennar voru með AirBnB-gist­ingu tl árs­ins 2019 en árásin gerð­ist í næsta húsi, þar sem starfs­menn Matfugls hafa búið í ára­tugi.

„Þetta er bara lygi og kjaftæði og þetta er bara skíta­f­rétta­mennska hjá RÚV og ég hef verið að djöfl­ast í þeim síðan að fréttin kom. Þetta hefur ekk­ert með mig eða mína fjöl­skyldu að gera,“ segir Halldóra í sam­tali við Mannlíf. Og hélt áfram: „Þeir senda hérna mann með dróna á hlaðið en þetta gerð­ist í næsta húsi, á milli fimm og sex í gær en tala ekki einu sinni við okkur, við vorum hérna inni og sonur minn var hérna úti. Og svo bara mynda þeir heim­ilið mitt en þetta er einka­land og það stendur skýrum stöfum á inn­gang­inum á heim­reið­inni að þetta sé einka­land. Ég er ekki með leigu frá Reykja­vík­ur­borg, þetta er bara mitt prí­vat einka­land og það er öll óvið­kom­andi umferð bönnuð.“

Segist Halldóra enn vera mjög æsta vegna máls­ins. „Þú heyrir það, ég er ennþá æst, ég hef verið að hella mér yfir þá á RÚV, bæði í dag og í gær. Ég hringdi um leið og þetta gerð­ist í gær.“ Sagðist hún einnig hafa hringt eftir að fyrsta fréttin birt­ist um árás­ina og beðið ungan starfs­mann RÚV um að þetta yrði leið­rétt sem sagð­ist ætla að leið­rétta frétt­ina. Sagði hún að frétta­kona RÚV hafi síðan hringt í sig og sagst heyra að hún væri mjög æst. „Ég sagði „Já, myndir þú vilja láta fjalla svona um heim­ilið þitt?“,“ segir Halldóra og bætir við: „Ég get sagt þér það, ég er brjáluð. Og ég ætla með þetta lengra. Ef ég opna gisti­heim­ilið mitt aftur, er þetta bara atvinnurógur. Myndir þú bóka þig inn á svona gisti­heim­ili? Ég held að per­sónu­vernd­ar­reglur og svona dróna­myndir og annað, hljóti að gilda um fleira en skól­ana.“

Segir Halldóra, sem er nú á leið til útlanda, að hún hafi verið í sím­anum frá því að fréttir af árásinni birt­ust enda eigi þau hjónin fjöl­marga vini sem höfðu áhyggjur.

Halldóra tekur sér­stak­lega fram að hún þekki ekki starfs­menn Mat­fuglar sem búið hafa í næsta húsi en að hún geti varla hugsað sér betri nágranna. „Þessir starfs­menn hafa búið við hlið­ina á mér í 25 ár og það hefur aldrei verið vesen á þeim, aldrei. Ég hef einu sinni heyrt þá halda partý, fyrir um 20 árum síðan. En þetta er ljúfasta fólk sem ég hef átt sem nágranna, það er aldrei vesen á þeim og þeir eru kurt­eisir.“

Mannlíf heyrði einnig í fram­kvæmd­ar­stjóra Matfugls, sem stað­festi að árásin hafi verið gerð á heim­ili starfs­manna fyr­ir­tæk­is­ins. Aðspurður um líðan þeirra svar­aði hann: „Ja, ég veit að hún er í lagi alla­veg­ana“.