Þorgerður Katrín vill að bandamenn Íslands grípi til frekari aðgerða gegn Ísrael

Þor­gerður Katrín Gunn­ars­dóttir ætlar að hvetja banda­menn Íslands til að grípa til frek­ari aðgerða gegn Ísrael.

Utan­rík­is­ráð­herra Íslands, Þor­gerður Katrín Gunn­ars­dóttir segir í skrif­legu svari til Mannlífs að Ísland geti ekki eitt og sér beitt Ísrael við­skipta­þving­unum, það fari eftir vilja Evr­ópu­sam­bands­ins. Þá segir Þor­gerður að Ísland muni sam­þykkja nið­ur­stöðu Alþjóða­dóms­stólnum í kæru­máli Suður-Afríku vegna þjóð­ar­morðs­ins í Palest­ínu.

Mannlíf spurði utan­rík­is­ráð­herra tveggja spurn­inga en hér má sjá þá fyrri:

Hyggst rík­is­stjórn Ísland beita Ísrael við­skipta­þving­unum, í ljósi þess að tveir flokkar af þremur sem nú eru í rík­is­stjórn lýstu því yfir fyrir kosn­ingar að þeir vildu beita Ísra­els­ríki við­skipta­þving­unum vegna þjóð­ar­morðs­ins á Gaza?

Svar Þor­gerðar Katrínar: „Eins og ég hef sagt er ástandið á Gaza óásætt­an­legt og öruggt að framin hafa verið alvar­leg brot á alþjóða­lögum. Ég hef þegar átt góð sam­töl við meðal ann­ars fram­kvæmda­stjóra UNRWA og yfir­mann mann­úðar- og upp­bygg­ing­ar­mála Sam­ein­uðu þjóð­anna fyrir Gaza til að öðl­ast dýpri skiln­ingi á stöð­unni og bjóða fram krafta Íslands. Þá voru átökin fyrir botni Mið­jarð­ar­hafs til umræðu á fundum mínum með utan­rík­is­ráð­herrum Noregs og Dan­merkur í vik­unni.“ Bætti hún við: „Engin heim­ild er fyrir því í íslenskum lögum að Ísland setji ein­hliða þving­un­ar­að­gerðir. Sem stendur inn­leiðir Ísland allar þving­un­ar­að­gerðir sínar á grund­velli ákvarð­ana Evr­ópu­sam­bands­ins, þar með talið þær þving­un­ar­að­gerðir sem ákveðnar eru á vett­vangi örygg­is­ráðs Sam­ein­uðu þjóð­anna. Ísland hefur meðal ann­ars inn­leitt þving­un­ar­að­gerðir Evr­ópu­sam­bands­ins gegn land­töku­fólki og sam­tökum þeirra á Vest­ur­bakk­anum vegna ofbeld­is­fullrar fram­göngu gegn Palest­ínu­mönnum. Máttur þving­un­ar­að­gerða felst í breiðri fjöl­þjóð­legri sam­stöðu. Norð­ur­löndin hafa ein og sér ekki gripið til þving­un­ar­að­gerða, enda jafn­vel þótt sam­staða ríkti væri ólík­legt að þær hefðu raun­veru­leg áhrif nema slíkt væri gert í sam­floti við fleiri ríki. Við munum hins vegar tala fyrir því við okkar helstu banda­menn að gripið verði til frek­ari aðgerða.“

Þá spurði Mannlíf hvort rík­is­stjórnin hyggð­ist styðja opin­ber­lega við kæru Suður-Afríku á hendur Ísra­els­ríki fyrir brot á sátt­mála SÞ um þjóð­ar­morð, líkt og Viðreisn og Sam­fylk­ingin lýstu áhuga fyrir kosn­ingar.

Svaraði Þor­gerður Katrín því til að Ísland muni við­ur­kenna og virða nið­ur­stöðu dóm­stóls­ins og að ákall Íslands um að Ísrael fari eftir úrskurðum dóm­stóls­ins, hafi verið skýr.

„Íslensk stjórn­völd fylgj­ast náið með fram­gangi máls Suður-Afríku gegn Ísrael fyrir Alþjóða­dóm­stólnum. Ísland mun við­ur­kenna og virða nið­ur­stöðu hans. Fram til þessa hefur dóm­stóll­inn í þrí­gang úrskurðað um bráða­birgða­ráð­staf­anir sem Ísrael er gert að grípa til. Ákall Íslands hefur verið skýrt um að Ísrael farið í einu og öllu eftir úrskurðum dóm­stóls­ins og mun það sama eiga við um end­an­legan dóm.“