Stjórn Solaris fordæmir fyrirhugaða brottvísun á Emmu og skorar á ráðherra að beita sér

Solaris, hjálp­ar­sam­tök fyrir hæl­is­leit­endur og flótta­fólk á Íslandi for­dæmir brott­vísun á Emmu, þriggja ára stúlku frá Venes­ú­ela, sem á að ganga í gegn á morgun.

Í yfir­lýs­ingu frá sam­tök­unum er sagt frá Emmu, en hún er þriggja ára stúlka frá Venes­ú­ela sem kom til Íslands í leit að alþjóð­legri vernd sum­arið 2023 ásamt ungum for­eldrum sínum.
Skömmu eftir kom­una til Íslands greind­ist Emma með mjaðmalið­hlaup og þurfti að ganga undir flókna skurð­að­gerð í febr­úar 2024. Eftir þrjár vikur á Emma að fara í aðra aðgerð til þess að fjar­lægja plötu úr lær­legg henn­ar þar sem mjöð­min var op­in­beruð í síð­ustu aðgerð.

Þá stendur einnig í yfir­lýs­ing­unni eft­ir­far­andi:

„Nú er ljóst að Emma mun ekki geta geng­ist undir aðgerð­ina, þar sem vísa á barn­inu úr landi á morgun, fimmtu­dag­inn 16. jan­úar. Ítrek­uðum beiðnum lög­manns og for­eldra stúlkunnar um að að fá frest fram yfir aðgerð hefur verið hafnað þrátt fyrir að læknar séu á einu máli um að verði ekki af aðgerð­inni, með þeirri sér­fræði­þekk­ingu og bún­aði sem er til hér á landi, geti það haft óaft­ur­kræf­an­legar afleið­ingar á hreyfi­getu stúlkunnar í fram­tíð­inni og mikil hætta er á að Emma verði al­var­lega fötluð til fram­búðar njóti hún ekki við­eig­andi eft­ir­fylgni eft­ir þá aðgerð sem hún gekkst und­ir hér á landi.“

Segir enn­fremur að ljóst sé að heilsu Emmu sé stefnt í hættu verði henni gert að yfir­gefa landið á þessum tíma­punkti. Hafa for­eldrar hennar full­yrt að ómögu­legt sé fyrir hana að kom­ast í aðgerð og fá þá nauð­syn­legu umönnun sem hún þarf á að halda eftir aðgerð­ina í Venes­ú­ela, þaðan sem þau flúðu af ótta við póli­tískar ofsóknir, þar sem þau eru hluti af opin­berri stjórn­ar­and­stöðu í land­inu.

Að lokum skorar stjórn Solaris á félags­mála­ráð­herra og dóms­mála­ráð­herra að beita sér í mál­inu og koma í veg fyrir að Emma litla verði send úr landi.

„Í lögum um útlend­inga er skýr heim­ild til þess að fresta brott­vísun þar til aðgerðin hefur verið fram­kvæmd. Stjórn Solaris skorar á félags­mála­ráð­herra sem og dóms­mála­ráð­herra að beita sér í þessu máli svo vel verði við unað af hálfu lækna stúlkunnar og fresti rétt­ar­á­hrifum svo hægt verði að ljúka aðgerð með full­nægj­andi hætti. Það er með öllu ótækt að brott­vísa barni í miðri lífs­breyt­andi aðgerð þegar læknar hennar full­yrða að slíkt rof á með­ferð muni hafa óaft­ur­kræf­an­legar afleið­ingar fyrir hreyfi­getu hennar til fram­tíðar.“