Íbúar Gaza óttast auknar árásir Ísraela næstu tvo sólarhringa en þann 19. janúar tekur langþráð vopnahlé gildi á milli Ísraela og Hamas.
Samkvæmt Al Jazeera ríkir blanda af varkárum létti, von og langvarandi sorg meðal Gaza-búa. Palestínumönnum er ljóst að samningurinn taki gildi næsta sunnudag. Það þýðir að enn eru tveir dagar í frið, sem Palestínumenn búast við að verði fullir af loftárásum og stigmögnun árása, og það hófst í morgun þegar samkomulagið var tilkynnt af embættismönnum Katar.
Frá því snemma í morgun sáust ísraelskir dróna og orrustuþotur brjóta hljóðmúrinn og framleiða hljóðbylgjur sem skelfdu alla á jörðu niðri. Óbreyttir borgarar eru enn lafandi hræddir við auknar árásir á Gaza-ströndinni.
Á síðasta sólarhring hefur meira en 30 Palestínumenn verið drepnir í aðskildum loftárásum á íbúðarhús og samkomur borgara á svæðinu. Óbreyttir borgarar eru að reyna að gera miklar varúðarráðstafanir með því að forðast að vera á opnum svæðum eða svæðum sem gætu á einhvern hátt verið hættuleg.
Samkvæmt Al Jazeera segja Gazabúar að þeir krítísku tímar sem nú líða fram á sunnudag, gætu þróast í neikvæða átt sem gæti jafnvel haft slæm áhrif á gang vopnahlésins.
Athugasemdir