Edda Falak freistar þess ennþá að semja við Fjólu og Davíð – Sögð vilja fá 30 milljónir

Davíð Goði Þor­varðs­son og Fjóla Sig­urð­ar­dóttir vilja 30 millj­ónir króna frá áhrifa­vald­inum Eddu Falak, sam­kvæmt lög­manni hennar, en þau unnu saman að hlað­varps­þætt­inum Eigin Konur sem naut vin­sælda fyrir nokkrum árum. Davíð Goði og Fjóla segja Eddu hafa svikið sig. Þá hafa þau gefið í skyn að Edda hafi beitt þau and­legu ofbeldi.

„Þær tekjur sem komu inn á sam­starfs­tíma aðila voru sam­tals um 2,5 millj­ónir, eins og gögn bera glögg­lega með sér. Edda hefur frá upp­hafi verið til­búin að greiða þeim stærstan hluta allrar þeirrar fjár­hæðar en boð hennar hafa að mestu mætt þögn­inni og síðar auknum kröfum,“ sagði Sigrún Jóhanns­dóttir, lög­maður Eddu Falak, við Vísi um málið.

Taka átti málið fyrir í Hér­aðs­dómi Reykja­víkur í byrjun árs en sam­kvæmt heim­ildum Mannlífs vildu deilu­að­ilar reyna ná sam­komu­lagi frekar en að fara með málið fyrir dóm­stól. Sigurður Kári Krist­jáns­son, lög­maður Davíðs og Fjólu, stað­festi í sam­tali við Mannlíf að þau væru ennþá að reyna kom­ast að sam­komu­lagi við Eddu.

Þá vildi Sigurður ekki tjá sig um orð lög­manns Eddu um að kröfur Davíðs og Fjólu væru óeðli­legar háar.