Hildur súr og sár yfir áframhaldandi valdaleysi: „Ég hef vandað mig í samskiptum“

Hildur Björns­dóttir, borg­ar­full­trúi Sjálf­stæð­is­flokks­ins, er eitt sátt með að fá ekki að taka þátt í umræðum um nýjan meiri­hluta í borg­inni en við­ræður milli Sós­í­alista­flokks­ins, Sam­fylk­ingar, Vinstri grænna, Pírata og Flokks fólks­ins eiga sér stað um þessar mundir. Talið er lík­legt að þeir flokkar muni mynda nýjan meiri­hluta í borg­inni.

„Ég hef vandað mig í sam­skiptum við aðra flokka og reynt að sýna að það sé gott að starfa með mér sem odd­vita og að ég sé ein­stak­lingur sem er hægt að treysta á og vinna með. Ég held það sé erfitt að draga fram þann odd­vita í borg­ar­stjórn í öðrum flokki sem myndi halda öðru fram þannig að það er auð­vitað sér­kenni­legt að vera í þess­ari stöðu. Vegna ein­hverra atburða sem varða ekki okkur í borg­ar­stjórn er borg­ar­stjórn­ar­flokkur Flokks fólks­ins skyndi­lega að úti­loka sam­starf við okkur, ekki vegna þess að þau telji ekki gott að starfa með okkur eða að þau eigi ekki mál­efna­legan sam­hljóm með okkur eða að við getum ekki unnið góðum málum braut­ar­gengi í borg­inni heldur vegna ein­hverrar við­kvæmni vegna umræðu í þing­inu eða morg­un­blað­inu sem auð­vitað koma okkur ekki við,“ sagði Hildur við Vísi og er þar að vísa í þá ákvörðun Flokks fólks­ins að velja frekar að ræða við flokka til vinstri en þá sem eru meira til hægri. Vill Hildur meina að ágrein­ingur milli flokka á Alþingi teng­ist ekki borg­ar­stjórn­ar­flokk­unum.

Hildur segir einnig að henni þyki nokkuð sér­stakt að Flokkur Fólksins velji frekar þá sem vinstri eru í ljósi gagn­rýni sem borg­ar­full­trúi flokks­ins hefur haldið upp um meiri­hlut­ann sem var við völd. Nefnir Hildur í þeim efnum meinta óskyn­semi í staf­rænni umbreyt­ingu, umferð­ar­tafir, hús­næð­is­skort og fleira.