Kennari segir Ísland á mjög vondum stað: „Ég hef ákveðið að láta ekki bjóða mér mikið meiri þvælu“

Gauti Eiríks­son, kenn­ari við Álfta­nes­skóla seg­ist ekki ætla að láta bjóða sér „meiri þvælu“.

Kennarar eru í áfalli eftir að Sam­band ís­lenskra sveit­ar­fé­laga hafn­aði inn­an­hús­til­lögu sem rík­is­sátta­semj­ari lagði fram í kenn­ara­deil­unni. Einn þeirra, Gauti Eiríks­son, kenn­ari við Álfta­nes­skóla, birti í gær mynd­skeið á Facebook þar sem hann seg­ist ekki ætla að láta bjóða sér „meiri þvælu“.

„Hvað gerir maður á degi eins og í dag þegar kenn­arar fá þau skila­boð að þeir megi bara éta það sem úti frýs?“ Á þessum orðum hefst mynd­skeið Gauta en hann heldur áfram:

„Ég get sagt ykkur hvað ég gerði. Ég fór í tölv­una og fór að kíkja aðeins á starfs­fer­il­inn minn. Hann lítur bara ágæt­lega út. Ég hef starfað sem kenn­ari vel yfir 20 ár, verið 20 ár í sama skól­anum sem er ákveð­inn festa. Hef komið að alls konar þró­un­ar­verk­efnum á þeim tíma og leitt mörg þeirra, byggt til dæmis upp safn mynd­banda sem eru þekkt út um allt land. Ég hef líka starfað við mörg önnur störf, því þann tíma sem ég hef starfað sem kenn­ari hefur aldrei verið hægt að lifa ein­göngu á kenn­ara­launum. Þannig að ég hef unnið við full­orð­ins­fræðslu, ég hef verið rútu­bíl­stjóri, búið til nám­skeið, ég er leið­sögu­maður til rúm­lega tutt­ugu ára, ég hef alls konar reynslu. Þannig að ef að þetta verður til þess að ég verði að leita mér að öðrum starfs­vett­vangi, því ég hef ákveðið að láta ekki bjóða mér mikið meiri þvælu, þá er ég ekk­ert hræddur við að sækja um aðra vinnu. Ég bjarga mér alltaf og hef alltaf gert.“

Gauti, sem til­nefndur var sem maður árs­ins 2024, segir Ísland vera komið á vondan stað.

„Það sem ég hef áhyggjur af eru skól­arnir. Fólk á Íslandi þarf að átta sig á því að við erum komin á mjög vondan stað. Þetta snýst ekki um það hvort kenn­arar séu í svona og svona löngu fríi eða vinni svona eða svona vinnu­dag. Þetta snýst um: Erum við með fag­fólk í skól­unum okkar eða ekki? Það virð­ist vera draumur ein­hverja að losna bara við kenn­ar­ana svo hægt sé að borga fólki minna fyrir að kenna börnum og sé hægt að spara pen­inga. Ég ætla ekki að taka þátt í því. En hvað ætlið þið að gera? Þið getið haft sam­band við kjörna full­trúa í ykkar sveit­ar­fé­lagi. Og eru þau með í þessu? Bara fáið að vita það. Ég ætla að minnsta kosti ekki að láta bjóða mér mikið meira.“