Jarðskjálfti varð undir húsi í Grindavík

Veð­ur­stofan telur lík­leg­ast að áfram­hald­andi kviku­söfnun undir Sund­hnúka­gígum endi með kviku­hlaupi og eld­gosi.

Fram kemur í frétt mbl.is að fjórir skjálftar hafi mælst með skömmu milli­bili snemma í morgun á Sund­hnúka­gíga­röð­inni. Steinunn Helga­dóttir, nátt­úru­vá­r­sér­fræð­ingur á Veð­ur­stofu Íslands seg­ist hafa séð skýra aukn­ingu á skjálfta­virkn­inni síð­ast­liðna viku. Segir hún að jarð­skjálfta­virknin sé að fær­ast nær Grinda­vík, bæði norð­vestan og norð­austan við bæinn.

Samkvæmt Stein­unni er talið að fyr­ir­var­inn á næsta gosi verði lít­ill, líkt og hefur verið í síð­ustu gosum á svæð­inu. „Fyr­ir­var­inn gæti verið 30-40 mín­út­ur frá fyrstu merkj­um þar til gos hefst,“ seg­ir húní við­tali við mbl.is.

Grind­vík­ingur segir frá því í dag í Facebook-hópnum Jarð­fræði á Íslandi, virkni, fram­tíð og for­tíð, að skjálfti upp á 0,97, hafi mælst beint undir hús­inu hans.

„Skjálfti uppá 0,97 í Norð­ur­hóp­inu nánar til­tekið undir hús­inu mínu og nákvæm­lega þar sem þessi sprunga er í gegnum húsið,“ skrif­aði Grind­vík­ing­ur­inn og birti ljós­myndir af sprung­unum sem hann tók síð­asta sumar.