Lögregla og sjúkraþjónusta rifust yfir látinni stúlku

Lucy Grant, 17 ára stúlka frá John­stone í Skotlandi, lést heima hjá sér eftir floga­kast, rúmu ári eftir að hún greind­ist með floga­veiki. Harm­leik­ur­inn varð enn verri þegar lík hennar var ekki fjar­lægt í heilar níu og hálfa klukku­stund, þar sem lög­regla og sjúkra­flutn­inga­fólk deildu um hver bæri ábyrgð á að flytja það.

Martrað­ar­kennd reynsla fjöl­skyld­unnar lauk ekki fyrr en hátt­settur lög­reglu­maður mætti á vett­vang og skip­aði að pöntuð yrði einka­rekin lík­bíla­þjón­usta, sem loks flutti Lucy á brott.

Móðir hennar, Lynette Anderson, 44 ára, sagði við Daily Record:

„Á einum tíma­punkti féll ég á hnén í garð­inum. Ég grét og öskr­aði. Ég var aug­ljós­lega í upp­námi. Þeir stóðu úti á götu og rifust fyrir framan nágrann­ana á versta augna­bliki lífs míns. Barnið mitt lá á gólf­inu í her­berg­inu sínu í níu og hálfa klukku­stund á meðan neyð­ar­þjón­ust­urnar deildu um hver ætti að flytja hana.“

Bætti hún við: „Bróðir Lucyar og ein systir hennar horfðu einnig á þetta allt saman. Við erum öll í áfalli. Á meðan þessu stóð sáum við vökva byrja að leka úr nefi og munni Lucyar. Þeir leyfðu mér ekki einu sinni að þurrka and­litið hennar. Ég lá bara á gólf­inu fyrir utan svefn­her­bergið hennar.“

Daginn eftir heim­sótti lög­reglan fjöl­skyld­una og baðst afsök­unar á með­ferð máls­ins. Einnig var þeim tjáð að rann­sókn yrði hafin á atvik­inu.

Lynette og eig­in­maður hennar, Stuart, 38 ára, urðu fyrst vör við að Lucy væri ekki með lífs­marki klukkan 10 að morgni þess dags sem hún lést. Þau reyndu að end­ur­lífga hana án árang­urs, og síðar tók bráðaliði við, en ekki tókst að bjarga lífi hennar.

Yfirvöld hafa stað­fest að málið verði tekið til end­ur­skoð­unar, en það hefur ekki enn verið vísað til Rann­sókn­ar­nefndar lög­reglu­mála í Skotlandi.

Skoska sjúkra­flutn­inga­deildin sagði í yfir­lýs­ingu:

„Við viljum votta fjöl­skyldu Lucyar okkar dýpstu samúð. Við erum að fara yfir málið í sam­ráði við lög­regl­una í Skotlandi og viljum síðar fá að ræða við fjöl­skyld­una per­sónu­lega.“

Tals­maður lög­regl­unnar í Skotlandi bætti við:

„Um klukkan 11:15 að morgni þriðju­dags­ins 15. apríl 2025 kom lög­regla að heim­ili í John­stone vegna and­láts 17 ára stúlku. Dauðs­fallið er talið óút­skýrt, en engar vís­bend­ingar eru um sak­næmt athæfi. Málið hefur verið kært til sak­sókn­ara.“

Morag Gardner, aðstoð­ar­fram­kvæmda­stjóri hjúkr­un­ar­þjón­ustu hjá heil­brigð­is­um­dæmi NHS Greater Glasgow and Clyde, sagði:

„Við vottum fjöl­skyldu Lucyar Grant okkar inni­leg­ustu samúð á þessum erf­iða tíma. Við erum að end­ur­skoða verk­lag við dauðs­föll í sam­fé­lag­inu hjá 16 og 17 ára ung­mennum og biðj­umst afsök­unar á þeim sárs­auka sem kann að hafa orðið.“