Segir Moggann vera eins og „málgagn þess neðra“

Gunnar Smári Egilsson lætur Morg­un­blaðið finna til tevatns­ins í nýlegri Facebook-færslu.

Sós­í­alista­for­ing­inn Gunnar Smári Egilsson segir á Facebook að Morg­un­blaðið sé eins og mál­gagn þess í neðra. Við færsl­una hlekkjar hann frétt mið­ils­ins um und­ir­skrift­ar­lista fjöl­margra presta Þjóð­kirkj­unnar, til stuðn­ings Oscars Andres Flor­ez Boca­negra, 17 ára pilts frá Kólumbíu, sem Útlend­inga­stofnun vill vísa frá land­inu. Færsla Gunnars Smára hefst á eft­ir­far­andi hátt:

„Morg­un­blaðið vill vera blað hinna kristnu en getur aldrei tekið afstöðu í anda Krists. Og er því eins og mál­gagn þess í neðra, sem ætíð tekur afstöðu með hinum ríku og valda­miklu en aldrei með þeim sem eru ofsóttir, kúg­aðir eða for­smáðir.“

Gunnar Smári kallar blaða­menn Morg­un­blaðs­ins „púka“ sem „væli“ yfir því að prestar standi með ung­lings­dreng í neyð.

„Hér væla púk­arnir yfir að prestar standi með ung­lings­pilti sem þarf á hjálp að halda. Mogginn á ekk­ert tár fyrir þann dreng en grætur með ekka­sogum yfir hvað fólk er eitt­hvað leið­in­legt við kvóta­greif­ana.“

Að lokum skýtur Sós­í­alista­for­ing­inn fast á Moggann:

„Kristið fólk getur haft það sem leið­sögn í líf­inu að spyrja hvað Jesús myndi gera, og breyta eftir því. Eða spyrja: Hvað vill Mogginn? og breyta þver­öf­ugt.“