Svíar munu beita sér fyrir refsiaðgerðum gegn ráðherrum Ísrael

Svíar munu beita sér innan Evr­ópu­sam­bands­ins með því að knýja á um refsi­að­gerðir gegn til­teknum ísra­elskum ráð­herrum vegna með­ferðar Ísraels á óbreyttum palest­ínskum borg­urum á Gaza

„Þar sem við sjáum ekki skýrar umbætur fyrir borg­ar­ana í Gaza þurfum við að hækka tón­inn enn frekar,“ sagði Maria Malmer Stenerg­ard utan­rík­is­ráð­herra í yfir­lýs­ingu til AFP í dag. „Við munum því nú einnig beita okkur fyrir refsi­að­gerðum Evr­ópu­sam­bands­ins gegn ein­stökum ísra­elskum ráð­herrum,“ bætti hún við.

Stenerg­ard sagði að refsi­að­gerð­irnar ættu að bein­ast að „ráð­herrum sem ýta undir ólög­mæta land­nám­stefnu og vinna mark­visst gegn fram­tíð­ar­lausn sem byggir á tveimur ríkjum“, en umræð­urnar innan ESB myndu ákvarða hvaða emb­ætt­is­menn yrðu fyrir val­inu.

Hún lagði þó áherslu á að Svíþjóð væri „vinur Ísraels“. Yfir­lýs­ing hennar kom í kjöl­far þess að hún hitti kollega sína innan ESB í Brussel í dag.

Ísra­elski her­inn jók árásir sínar um helg­ina og hét því að sigra Hamas sem stjórnar Gaza eftir að árás hóps­ins þann 7. októ­ber 2023 hóf stríðið. Aðstoð barst á ný inn á Gaza í gær í fyrsta sinn í meira en tvo mán­uði, eftir víð­tæka for­dæm­ingu á aðgerðum Ísraela sem hefur leitt til skorts á mat og lyfjum.

„Í öllum sam­skiptum okkar við ísra­elsk stjórn­völd höfum við lengi kraf­ist auk­ins mann­úð­ar­að­gangs og verið afar gagn­rýnin á að þau hafi ekki tryggt hann,“ sagði Stenerg­ard. Hún sagði einnig að Svíþjóð hefði áhyggjur af „því hvernig ísra­elsk stjórn­völd halda áfram að stig­magna ástandið, bæði í orðum og gerðum“.

Örygg­is­ráð Ísraels sam­þykkti áætlun fyrr í mán­uð­inum um að auka hern­að­ar­að­gerð­irnar, en einn emb­ætt­is­maður sagði að þær myndu fela í sér „yfir­ráð yfir Gaza“ og til­færslu íbúa svæð­is­ins.

Í gær sagði Benjamin Net­anyahu, for­sæt­is­ráð­herra Ísraels, að Ísrael „muni taka yfir allt land­svæði strand­ar­innar“.

Árás Hamas í októ­ber 2023 leiddi til dauða 1.218 ein­stak­linga í Ísrael sam­kvæmt taln­ingu AFP sem byggð er á opin­berum gögnum. Hamas tók einnig 251 gísla, þar af eru 57 enn í Gaza, þar á meðal 34 sem her­inn segir vera látnir.

Heil­brigð­is­ráðu­neyti Gaza sagði í dag að að minnsta kosti 3.427 manns hefðu verið drepnir frá því að Ísrael hóf loft­árásir á ný 18. mars, og að heild­ar­fjöldi lát­inna í stríð­inu væri nú kom­inn í 53.573.