Ók óvart í gegnum rúðu á skólanum

Aðili á mót­or­hjóli ók í gegnum rúðu í skóla í Hafn­ar­firði í gær­kvöldi, sam­kvæmt fréttum lög­regl­unnar af atburðum lið­innar nætur. Hann gerði það fyrir slysni og slapp með minni­háttar áverka.

Annar missti stjórn á raf­hlaupa­hjóli og olli skemmdum á tveimur öku­tækjum. Þar var óför­unum ekki lokið, því lög­regla stóð hann að því að vera undir áhrifum áfengis. Hann var hand­tek­inn, en fluttur á slysa­deild með áverka á and­liti og hendi.

Þriðji aðil­inn á svæði lög­regl­unnar í Hafn­ar­firði var á bif­reið. Hann ók ítrekað utan í vegrið og á veg­kanta á ferðum sínum. „Hann var vistaður í fanga­klefa í þágu rann­sóknar máls­ins,“ segir í dag­bók­ar­skýrslu lög­regl­unnar.

Fögnuður og tryllingur í Reykjavík

Í mið­borg Reykja­víkur var meira um mis­brest í sam­skiptum en mis­heppn­aðar sam­göngur. Þar var „nokkuð um hávaða­út­köll, ölv­aða ein­stak­linga og slags­mál í mið­borg­inni enda mikið um að vera, bæði skipu­lagða við­burði og margir að fagna útskriftum.“

Aðrir fögn­uðu síður. Einn maður kaus að „ganga í skrokk á öðrum“ og lét ekki þar við sitja, heldur braut rúður í nokkrum bílum. Eins og lýs­ingin ber með sér reynd­ist hann í ann­ar­legu ástandi og var vistaður í fanga­klefa.

Lengst gekk nóttin þegar sér­sveitin var kölluð út. Þá var til­kynnt um mann ógna öðrum með hníf í heima­húsi. Hann var hand­tek­inn af sér­sveit­inni, fluttur á lög­reglu­stöð­ina og vistaður í fanga­klefa.

Maður bankar á hurðar - er með múrstein

Í Kópa­vog­inum var einnig maður við hnífa­burð, en hann slapp. „Tilkynnt um mann á gangi með hníf í hendi, aðil­inn fannst ekki þrátt fyrir mikla leit,“ segir lög­reglan. Annar maður á Kópa­vogs­svæð­inu var ekki svo hepp­inn með sitt athæfi. Þá var til­kynnt um „aðila í ann­ar­legu ástandi á stiga­gangi að banka á hurðar“. „Þegar að lög­regla kom á vett­vang tók aðil­inn á móti lög­reglu með múr­stein í hendi. Aðilinn reyndi að flýja lög­reglu en án árang­urs og var mað­ur­inn vistaður í fanga­klefa,“ segir lög­reglan.

„Þegar þetta er ritað gista fjórir í aðilar fanga­klefa,“ skrif­aði full­trúi lög­reglu í dag­bók hennar í morgun. Fram­an­greind voru aðeins nokkur af 80 málum sem bókuð voru í kerfi lög­regl­unnar í nótt.