Matvælastofnun sektar Kaldvík fyrir vanrækslu

Mat­væla­stofnun (MAST) hefur sektað fisk­eld­is­fyr­ir­tækið Kaldvík um 500 þús­und krónur fyrir að hafa ekki fjar­lægt veika fiska úr eld­iskvíum í Berufirði í jan­úar og febr­úar.

Eftirlit MAST sýndi að þús­undir svo­kall­aðra „sveimara“, fiskar sem eru veikir og þrótt­litlir, voru í hverri kví, og engar til­raunir höfðu verið gerðar til að fjar­lægja þá.

Einnig voru gerðar athuga­semdir við sótt­hreins­un­ar­brest og að notkun sópun­ar­neta hefði verið van­rækt. Kaldvík mót­mælti skýrslu MAST og sagði meðal ann­ars að veð­ur­skil­yrði hefðu hindrað aðgerðir og að fjöldi veikra fiska væri lík­lega ofmet­inn. Fyr­ir­tækið benti á að starfs­fólk hefði gert sitt besta og bætt verk­lag síðar.

MAST hafn­aði öllum and­mælum og sagði Kaldvík hafa haft nægan tíma og tæki­færi til að bregð­ast við ástand­inu. Í nýrri skýrslu frá mars kemur fram að fyr­ir­tækið hafi gert úrbætur og bætt búnað og vinnu­lag. Þar eru engar athuga­semdir gerðar.

Aust­ur­frétt greindi frá mál­inu.