Hefur litlar áhyggjur af gjaldtöku við náttúruperlur

Ólöf Kristín Sívert­sen, for­seti Ferða­fé­lags Íslands, hefur ekki miklar áhyggjur af gjald­töku á vin­sælum ferða­manna­stöðum á Íslandi.

„Það er hið eðli­leg­asta mál að rukka svona gjöld ef það er ein­hver aðstaða sem fylgir,“ segir Ólöf við Heim­ild­ina en í miðl­inum er farið ítar­lega í saumana á gjald­töku á bíla­stæðum við nátt­úruperlur lands­ins.

Runólfur Ólafsson, fram­kvæmda­stjóri FÍB, er væg­ast sagt ósam­mála Ólöfu. „Við höfum verið að fá gríð­ar­lega mikið af kvört­unum út af þessu,“ sagði hann við Heim­ild­ina um málið. „Þetta er farið að líkj­ast sjálftöku frekar en eitt­hvað annað.“

„Það er partur af þessu. Ef þessi hringrás er eðli­leg, að gjöldin fari í upp­bygg­ingu á svæð­inu, bæði til að auka aðstöðu og vernda nátt­úr­una, þá finnst okkur það ekki óeðli­legt. En svo er nátt­úr­lega alltaf spurn­ing um hversu mikið er rukkað og hvað er eðli­legt,“ segir Ólöf. „Fólk þarf nátt­úr­lega bara svo­lítið að vega og meta hvar það vill stoppa. Við eigum bara svo­lítið eftir að venj­ast þessu. Svo er nátt­úr­lega líka spurn­ing: Hvar er eðli­legt að inn­heimta svona gjald og hvar ekki? Ég held að fólk velti því líka fyrir sér.“