Kristrúnu snýst hugur: „Get­um komið með nýtt frum­varp og breytt þessu“

Kristrún Frosta­dótt­ir for­sæt­is­ráð­herra vill að rík­is­stjórn sín breyti aðferð­inni sem notuð er til að upp­færa laun æðstu emb­ætt­is­manna, alþing­is­manna, ráð­herra og for­seta. Fyrir stuttu síðan sagði hún að rík­is­stjórn hennar myndi ekki aðhaf­ast neitt í mál­inu.

Sagði Kristrún þetta í pontu Alþing­is í dag í kjöl­far óund­ir­bú­inn­ar fyr­ir­spurn­ar for­manns Sjálf­stæðis­flokks­ins, Guðrún­ar Haf­steins­dótt­ur.

Komið hefur fram að laun æðstu ráða­manna hækki um 5,6 pró­sent um næstu mán­aða­mót, en til sam­an­burðar hafa laun á al­menn­um vinnu­mark­aði ein­ungis hækkað um 3,5 pró­sent á síð­ast­liðnu ári.

Guðrún spurði um af­stöðu Kristrún­ar til launa­hækk­an­anna fyr­ir tveim­ur árum, en þá sagði Kristrún í sam­tali við Morg­un­blaðið að þær launa­hækk­an­ir sendu ­röng skila­boð til vinnu­mark­aðar­ins.

Kom fram í máli Kristrúnar í síð­ustu viku að rík­is­stjórn­in myndi ekki aðhaf­ast eitt­hvað í mál­inu.

Guðrún spurði Kristrúnu af hverju ­stjórn­in hefði ákveðið að halda í þessa 5,6 pró­sent.

Að mati Kristrúnar eru ein­ungis tveir kost­ir í stöð­unni: Ann­ars veg­ar það að hand­stýra laun­um á ári hverju og hins veg­ar að leggja í kerf­is­breyt­ing­ar til lengri tíma litið.

„Það er vilji þess­ar­ar rík­is­stjórn­ar að eiga sam­tal við vinnu­mark­að­inn strax á næstu vik­um. Þá get­um við komið með nýtt frum­varp og breytt þessu,“ sagði hún í sam­tali við mbl.is.

Kristrún bauð að lok­um Guðrúnu og þing­mönn­um minni­hlut­ans með í það ferða­lag að breyta nú­ver­andi kerfi til upp­færslu launa æðstu ráða­manna.