Tveir bandarískir embættismenn hafa sagt Associated Press að Bandaríkin séu að færa hergögn, þar á meðal herskip, til Mið-Austurlanda í kjölfar loftára Ísraels á Íran og vegna mögulegra hefndaraðgerða frá Teheran.
Bandaríski sjóherinn hefur skipað tundurspillinum USS Thomas Hudner að halda til austanverðs Miðjarðarhafs og annar tundurspillir er einnig á leiðinni þangað, til að vera tiltækt ef Hvíta húsið kallar eftir því.
Einn embættismaðurinn segir að Donald Trump Bandaríkjaforseti hafi fundað með þjóðaröryggisráði sínu til að ræða stöðuna.
Árásir Ísraels halda áfram á Gasasvæðinu
Á sama tíma og Ísrael framkvæmir loftárásir á Íran heldur her landsins áfram árásum á Palestínumenn á Gazasvæðinu.
Yfir 30 hafa fallið í dag, þar af 11 manns sem voru að bíða eftir mannúðaraðstoð. Í suðurhluta Gaza hefur ísraelski herinn dýpkað innrás sína í Khan Younis þar sem harðir bardagar eiga sér stað milli ísraelskra hermanna og vopnaðra palestínskra sveita.
Fréttaritari Al Jazeera, Hind Khoudary, greinir frá því í Deir el-Balah í miðhluta Gasa að á síðustu klukkustundum hafi verið umfangsmikil loftárás á íbúðahverfi í Jabalia í norðri.
Einnig hefur verið greint frá fimm látnum í árás á flóttamannabúðirnar Maghazi í miðju Gaza.
Khoudary segir að heilbrigðisstarfsfólk hafi greint frá því að áframhaldandi árásir í suðurhluta Gaza, þar sem þrír af fjórum dreifingarstöðum Gaza Humanitarian Foundation eru staðsett, geri það að verkum að þessir staðir séu í raun ekki hjálparstöðvar heldur „dauðagildrur“ fyrir Palestínumenn.
Athugasemdir