Truflandi hvað áhugi á Evrópumóti kvenna er lítill hér á landi

Hafliði Breið­fjörð hefur gegnt lyk­il­hlut­verki í þróun og vexti Fótbolti.net frá því þeim tíma er hann stofn­aði vef­inn árið 2002.

Hafliði átti 95 pró­senta hlut í vefnum á móti knatt­spyrnu­þjálf­ar­anum Magnúsi Má Ein­ars­syni, en þeir hafa báðir selt sinn hlut.

Þótt Hafliði hafi selt Fótbolta.net fylgist hann enn með íþrótta­líf­inu hér á landi af miklum áhuga og eld­móð.

Hann er ekki sáttur við hversu litla umfjöllun og hvatn­ingu íslenska kvenna­lands­liðið fær hér heima á Íslandi og seg­ist sorg­mæddur yfir stöð­unni eins og hún blasi við honum í dag:

„Þau sem mig þekkja vita að ég hef alltaf lagt mikið uppúr að auka umfjöllun um kvenna­fót­bolta og tel mig hafa verið mik­inn braut­ryðj­anda í því. Þess vegna truflar mig hvað áhugi á að gera kom­andi Evr­ópu­móti kvenna hátt undir höfði er lít­ill.“

Hann segir að liðið hafi farið utan í morgun, spilar æfinga­leik í Serbíu og fer svo á mótið stóra:

„Áður hefur KSÍ boðið fjöl­miðlum að vera við­staddir í Leifs­stöð þegar liðið kveður í mótið. Núna hefur eng­inn fjöl­mið­ill, né KSÍ sagt frá því. Bara leik­menn sjálfir á sam­fé­lags­miðlum.“

Hafliði segir að hlut­irnir hafi ekki alltaf verið slæmir:

„Ég man að fyrir fyrsta EM var Siggi Raggi [Sigurður Ragnar Eyj­ólfs­son, inn­skot blm] þjálf­ari liðs­ins í stöð­ugu sam­bandi við mig, hvað getum við gert til að auka umfjöllun um mótið og hvað getur hann gert til að auð­velda okkur það. Núna er liðið að fara á mót þar sem mögu­leiki á að kom­ast áfram er veru­legur en samt virð­ist áhug­inn á mót­inu vera í sögu­legu lág­marki. Liðið leikur loka­leik fyrir mót í Serbíu og tekur und­ir­bún­ing þar.“

Hafliði segir að end­ingu að „minn gamli fjöl­mið­ill, Fótbolti.net, er eini fjöl­mið­ill­inn sem ætlar að mæta þangað. Ég er eins og flest vita búinn að selja vef­inn svo þetta verður fyrsta stór­mótið í langan tíma sem ég mæti ekki á. Á EM 2022 voru fimm ljós­mynd­arar af íslenskum fjöl­miðlum. Á EM 2025 verður einn, það er leið­in­leg þróun.“