Knattspyrnumaðurinn Kian Harratt gæti verið í vandræðum eftir að hann kastaði stól í konu og rotaði hana.
Harratt, sem spilar fyrir Oldham á Englandi, var staddur í fríi á Ibiza þegar myndbandsupptaka af honum við sundlaugarbakka fór í dreifingu á netinu. Á myndbandinu sést knattspyrnumaðurinn kasta stól í hnakkann á konu sem stóð við sundlaugina. Féll hún niður á jörðina við höggið og rotaðist að sögn fjölmiðla á Spáni.
Í viðtali sem Harratt veitti eftir að myndbandið fór í dreifingu segir hann að hann hafi ekki ætlað að kasta stólnum í konuna heldur í mann sem stóð nærri henni. Hann sagði einnig að sér þætti þetta leitt og baðst afsökunar á meiðslum sem konan kann að hafa orðið fyrir.
Hann segir að maðurinn sem hann hafi reynt að kasta í hafi kýlt annan mann við sundlaugina en sá er góður vinur Harratt.
Þetta er ekki í fyrsta skipti sem knattspyrnumaðurinn kemur sér í vandræði en hann var dæmdur í leikbann í fjóra mánuði fyrir tveimur tímabilum síðan fyrir að velja á úrslit knattspyrnuleikja.
Athugasemdir