Þrettán ára stúlka lýsir skelfilegri reynslu í flóðunum í Texas

Þrettán ára stúlka sem lifði af skyndi­flóðið í Texas 4. júlí, lýsir þeirri óvissu og ótta sem sem hún og vinir hennar upp­lifðu á meðan þau biðu eftir björg­un­ar­sveitum.

Alls lét­ust 27 börn og leið­bein­endur kristi­legra sum­ar­búða í flóð­inu sem reið yfir Texas þann 4. júlí. Stella Thompson, 13 ára, er ein af þeim sem lifði af.

„Það var óvissan sem skók okkur mest í kof­anum okkar,“ sagði Thompson við NBC News í Dallas Fort-Worth í gær 7. júlí. Hún rifj­aði einnig upp við­brögð stúlkn­anna í kof­anum þegar þær fréttu að fólk við Guadalupe-ána væri í meiri hættu og þegar byrjað var að flytja það á brott. „Þegar við fengum þær fréttir urðum við allar nærri því stjórn­lausar. Kofinn var fullur af bænum og skelf­ingu, en ekki vegna okkar sjálfra.“

Þó að Thompson seg­ist hafa haft áhyggjur af vel­ferð ann­arra, við­ur­kenndi hún að það hafi verið erfitt að átta sig á alvar­leika ástands­ins á meðan það stóð yfir, þar sem henni var sagt að vera inni í skál­anum við Cypress Lake og bíða eftir hjálp.

„Á meðan þetta stóð yfir fann ég eig­in­lega bara dofa,“ sagði hún. „Að segja þetta upp­hátt fær mig til að átta mig á því hvað í raun gerð­ist og hversu hræði­legt þetta var.“

Thompson, sem var að koma í sjötta sinn í sum­ar­búð­irnar, en hóp­ur­inn hennar var fluttur í öruggt skjól seinnipart kvölds­ins með her­flutn­inga­bílum. Þá fyrst sá hún eyði­legg­ing­una með eigin augum.

„Þú sást kajaka uppi í trjám,“ útskýrði hún. „Það var eig­in­lega hrylli­legt, við höfðum enga hug­mynd. Sumir sáu jafn­vel ferða­töskur eða far­angur fast í rusl­inu. Og svo voru björg­un­ar­menn í vatn­inu að draga sængur stúlkn­anna upp.“

Hún bætti við að „risa­stór tré“ hefðu „rifnað upp með rótum“, og sagði: „Þetta leit ekki lengur út eins og Camp Mystic.“

Flóðið í Texas er orðið eitt mann­skæð­asta sem dunið hefur yfir Banda­ríkin í rúm 100 ár, og sam­kvæmt NBC News hafði fjöldi lát­inna náð 104 manns þann 7. júlí. Rign­ing­arnar ollu vatns­hæð­ar­aukn­ingu um 20–26 fet í Guadalupe ánni og miklum skemmdum á eignum og innviðum.

Camp Mystic, sem hýsti 750 börn þegar flóðið skall á, sendi frá sér yfir­lýs­ingu þann 7. júlí vegna hörm­ung­ar­innar.

„Camp Mystic syrgir missi 27 barna og leið­bein­enda í kjöl­far þessa skelfi­lega flóðs í Guadalupe ánni,“ segir í yfir­lýs­ing­unni á vef búð­anna. „Hjörtun okkar eru brostin með fjöl­skyld­unum sem þurfa að ganga í gegnum þessa ólýs­an­legu sorg. Við biðjum stöðugt fyrir þeim.“