Lambhagi lofar að merkja vöru með sínu rétta nafni

Vara frá Lambhaga hefur und­an­farið verið seld í versl­unum sem „spínat“, þrátt fyrir að í raun sé um spínat­kál að ræða. Bænda­blaðið sagði frá mál­inu.

Heil­brigð­is­eft­ir­liti Reykja­víkur (HER) barst í sumar kvörtun frá neyt­anda vegna breyt­inga á merk­ingum vör­unnar „spínat­kál“. Þar hafði orðið „spínat“ verið sett í stað­inn, ásamt lat­neska heit­inu brassica rapa. Rétt lat­neskt heiti á spínati er hins vegar spinacia oleracea.

HER veitti fyr­ir­tæk­inu frest til 1. ágúst til að leið­rétta merk­ingar. Í eft­ir­liti í sept­em­ber kom í ljós að varan hafði enn ekki verið end­ur­merkt og var þá ítrekað við Lambhaga að gera úrbætur. Fyr­ir­tækið svar­aði að nýir miðar væru í prentun og hefur nú stað­fest að fram­vegis verði vör­unni merkt „spínat­kál“ á skýran hátt. Anna Jóhann­es­dóttir, heil­brigð­is­full­trúi hjá HER, segir að mál­inu verði fylgt áfram eftir.

Svipað mál komið upp áður

Árið 2016 barst einnig kvörtun vegna rangra merk­inga hjá Lambhaga. Þá var vara merkt sem „Lamb­haga­spínat“ en við eft­ir­lit kom í ljós að hún var í raun teg­undin brassica rapa, einnig þekkt sem Kom­ats­una eða „Japanese must­ard spinach“.

Eftir athuga­semdir HER ákvað fyr­ir­tækið að nota heitið „spínat­kál“. Málið var borið undir Mat­væla­stofnun (MAST), sem taldi merk­ing­una heim­ila þar sem orðið spínat væri algengt í sam­settum heitum á öðrum teg­undum, til dæmis Fjalla­spínati.

Síðan hefur Lambhagi selt vör­una sem spínat­kál, með lat­neska heit­inu fylgj­andi. HER telur að það geri neyt­endum ljóst að ekki sé um hefð­bundið spínat (spinacia oleracea) að ræða.