„Rosalega blandaðar tilfinningar, léttir og von en á sama tíma ótti við að fagna of hratt.“ Þannig hefst Facebook-færsla Fidu Abu Libdeh, stundarkennara við Háskólanna á Bifröst og fyrrum varaþingmanns Framsóknarflokksins, birti í morgun. Tilefnið er vopnahléssamningur sem nú hefur verið samþykktur á milli Ísrael og Hamas en Fida er frá Palestínu en flutti til Íslands ellefu ára gömul.
Í færslunni segist Fia vilja trúa en að innra með henni búi efi.
„Ég vil trúa að þetta sé loksins breyting, en eitthvað innra með mér hvíslar, bíddu aðeins, sjáum hvort loforðin standist. Þetta er eins og hvert annað ofbeldissamband, gerandinn lofar, núna í þetta skipti, ég sver, aldrei aftur. Þolandinn trúir, ekki af barnaskap heldur af von, því hann á ekkert annað val. Hann fær að lifa aðeins lengur, heldur lífi á matarskammti í stað réttlætis. Á meðan stendur heimurinn hjá og horfir, sumir klappa, aðrir hvísla, ég vissi að þetta var ekki rétt en ég vildi ekki skipta mér af, kannski hefði ég átt að stoppa þetta.“
Að lokum segir Fida að ekki sé hægt að tala um frið á meðan ofbeldið heldur áfram.
„Í 78 ár hafa loforðin verið þau sömu, við munum fara að lögum, en Gaza stendur í rúst, Vesturbakkinn hernuminn, börn drepin í svefni og samt vænta ráðamenn þess að Ísrael fari að alþjóðalögum. Það er ekki hægt að tala um frið þegar ofbeldið heldur áfram, það er ekki friður þegar þolandinn þarf að þakka fyrir að lifa af.“
Athugasemdir