Sarah Ferguson „á barmi taugaáfalls“

Samkvæmt nýjum fregnum er Sarah Ferguson, fyrr­ver­andi eig­in­kona Andrésar prins, „á barmi tauga­á­falls“ eftir að hafa afsalað sér notkun kon­ung­legs tit­ils sem hún hefur haft í fjöru­tíu ár.

Vinur hennar hefur opin­berað að hún sé „á barmi tauga­á­falls“ þar sem „eyði­lagðar“ dætur hennar séu nú dregnar inn í hneykslið sem blossað hefur upp vegna tengsla hennar við barn­a­níð­ing­inn Jeffrey Epstein.

Sarah, sem var gift Andrési prins árum saman, eyddi árum í að verja hann þegar hann féll í ónáð og stóð stöðugt við hlið hans, jafn­vel þótt þau væru löngu skilin, og deildi áfram heim­ili með honum.

Nú er það hins vegar sam­band hennar sjálfrar við Epstein sem hefur orðið henni að falli. Nýlega kom í ljós tölvu­póstur sem hún hafði sent Epstein eftir að hafa opin­ber­lega lýst því yfir að hún hefði slitið öll tengsl við hann. Í póst­inum kall­aði hún hann sinn „æðsta vin“. Talsmenn hennar sögðu að hún hefði sent póst­inn af ótta við hót­anir gagn­vart fjöl­skyldu sinni.

Afleið­ing­arnar létu ekki á sér standa. Fjöldi góð­gerð­ar­sam­taka sem hún hefur lengi tengst slitu tengslin við hana og sögðu „óvið­eig­andi“ að hún héldi áfram að koma fram fyrir þeirra hönd.

Í kjöl­farið kom síðan yfir­lýs­ing frá Andrési þar sem hann til­kynnti að hann og Sarah myndu bæði „gefa upp alla kon­ung­lega titla og heið­urs­merki til fram­búðar“ eftir að hann átti tíu mín­útna sím­tal við eldri bróður sinn, Karl III kon­ung, sem lýst var sem „þreyttum og reiðum“. Andrew hafnar öllum ásök­unum sem gerðar hafa verið á hendur honum.

Samkvæmt kon­ung­legum sér­fræð­ingi sem hefur talað við vin hennar er Sarah nú á barmi tauga­á­falls vegna ástands­ins.

Phil Dampier sagði: „Mér er sagt að hún hafi verið á barmi tauga­á­falls,“ og bætti við: „Ég get upp­lýst að eldri systir hennar, Jane, hafi nýlega flogið frá Ástralíu til Bret­lands til að styðja hana.“

Í sam­tali við Woman’s Day bætti hann við: „Söruh líður mjög illa og það kemur varla á óvart. Hún þurfti stuðn­ing og Jane hefur staðið við hlið hennar þegar hún þurfti á því að halda. Hún og Andrés vita að þau bera ábyrgð, en þau finna engu að síður fyrir því að í þau sé nú sparkað mis­kunn­ar­laust þegar þau liggja niðri. Það er erfitt að sjá hvað fram­tíðin ber í skauti sér.“

Auk þess hafa nýjar, sjokker­andi ásak­anir komið fram þessa vik­una, meðal ann­ars þær að þegar Epstein var lát­inn laus úr fang­elsi árið 2009 hafi Sarah og dætur hennar, Beta Dís prinsessa og Evgenía prinsessa, „fagnað“ með hinum dæmda barn­a­níð­ingi.

Vinur Sarah, Lizzie Cundy, hefur nýverið varið hana í við­tali í Jeremy Vine Show og sagt að Sarah sé „í hel­víti“ og sé algjör­lega „nið­ur­brotin“ vegna tölvu­pósta­hneyksl­is­ins sem varð til þess að hún missti góð­gerð­ar­sam­tök sín.

„Sarah er algjör­lega nið­ur­brotin yfir því að hafa misst góð­gerð­ar­sam­tökin,“ sagði Cundy. „Sér­stak­lega sam­tökin gegn krabba­meini, þar sem hún sjálf fékk nýlega grein­ingu. Hún er algjör­lega nið­ur­brotin. Hún er mann­eskja, móðir, hún gengur í gegnum hel­víti.“