Akureyrarbær býður foreldrum á kynlífsfræðslu Siggu Daggar

Það fór eflaust ekki fram­hjá mörgum Íslend­ingum umræða sem skap­ast í kjöl­far þess að Sigríður Dögg Arn­ar­dóttir, betur þekkt sem Sigga Dögg, hélt kyn­lífs­fræðslu í ferm­ing­ar­fræðslu á Akureyri fyrir stuttu eftir að eitt for­eldri kvart­aði undan mál­inu.

Kölluðu sumir lands­menn fræðsl­una dóm­greind­ar­leysi og fannst hún ekki eiga heima í ferm­ing­ar­fræðslu. „Ég ætla ekki að taka undir að þetta hafi verið dóm­greind­ar­leysi. Þetta var úthugsuð fræðsla, það lá alveg fyrir hvert efni fræðsl­unnar var og við fórum ekk­ert leynt með það,“ segir Sindri Geir Ósk­ars­son, annar sókn­ar­prestur Gler­ár­kirkju, um gagn­rýni á kirkj­una, við Heim­ild­ina.

Nú hefur Akur­eyr­ar­bær ákveðið að halda fyr­ir­lestur fyrir for­eldra í bænum og nefn­ist fyr­ir­lest­ur­inn Hvernig á ég að ræða við ung­ling­inn minn um kyn­líf?

„Börn og for­eldrar þurfa að ræða saman um kyn­líf, eins og hvern annan mála­flokk. Skoðanir og gildi for­eldra gagn­vart kyn­lífi eru börnum og ung­lingum nauð­syn­legt mót­vægi við þeim mis­vísandi og vill­andi upp­lýs­ingum sem þau hafa greiðan aðgang að,“ segir meðal ann­ars um við­burð­inn.

„Kyn­fræðsla og opin­ská umræða um kyn­líf skilar sér því í auk­inni þekk­ingu og með­vit­aðri ákvörð­un­ar­töku ungs fólks um kyn­líf.“

Fyr­ir­lest­ur­inn fer fram í kvöld í Lund­ar­skóla á Akureyri.