Skora á aðra háskóla að styðja krabbameinsveika

Nemendur og starfs­fólk Háskól­ans í Reykja­vík sett­ust niður í gær og perluðu arm­bönd fyrir Kraft, stuðn­ings­fé­lag fyrir ungt fólk sem greinst hefur með krabba­mein og aðstand­endur en greint er frá þessu í til­kynn­ingu frá HR.

„Við höfum gert þetta áður með púsli og núvit­und en nú vildum við láta gott af okkur leiða í leið­inni og perla fyrir ungt fólk með krabba­mein,“ sagði Rakel Gunn­ars­dóttir, verk­efna­stjóri hjá Háskól­anum í Reykja­vík og vildi hún, fyrir hönd HR, skora á aðra íslenska háskóla til að gera slíkt hið sama.

Mynd: HR

Eva Sigrún Guð­jóns­dóttir, mark­aðs- og kynn­ing­ar­stjóri Krafts, segir að „Lífið er Núna“ arm­böndin séu stór liður í fjár­öflun félags­ins.

„Félagið er alfarið rekið af styrkjum ein­stak­linga og fyr­ir­tækja ásamt sölu á varn­ingi úr vef­verslun Krafts. Það var því dýr­mætt að fá HR með okkur í lið í dag, en HR-ingar perluðu hund­ruði arm­banda, sem kemur sér vel fyrir skart­gripa­skrín Krafts,“ sagði Eva um málið.

Rakel Gunn­ars­dóttir, verk­efna­stjóri HRSkólinn styður við Kraft.

Mynd: HR