Chomsky, Gates og David Blaine meðal þeirra sem eru á nýjustu Epstein-myndunum
Fyrrverandi forstjóri YouTube, meðstofnandi Google og fleiri valdamiklir menn myndaðir með barnaníðingnum
Noam Chomsky og Jeffrey EpsteinBandaríski prófessorinn og stjórnmálaaktívistinn Noam Chomsky var einnig myndaður með Epstein.Mynd: Eftirlitsnefnd fulltrúadeildar Bandaríkjaþings
Nýjar ljósmyndir sem birtar voru í gærkvöldi, daginn fyrir væntanlega birtingu svonefndra Epstein-skjala, sýna hve víðfeðmt tengslanet hins dauða barnaníðingsins og fjárfestis var.
Þekkt andlit á borð við Bill Gates, dálkahöfund New York Times David Brooks og jafnvel tæknistjóra hjá YouTube og Google eru meðal þeirra sem sjást á myndum með Jeffrey Epstein. Myndirnar eru hluti af 68 ljósmyndum sem demókratar í eftirlitsnefnd fulltrúadeildarinnar birtu í gær, kvöldið áður en Donald Trump þarf samkvæmt lögum að standa skil, samkvæmt Epstein Transparency Act og birta skjölin.
Aðrar myndir sem birtar voru í gær bera klámfengnari blæ en á nokkrum þeirra má sjá tilvitnanir úr hinu umdeilda skáldsöguverki Vladimir Nabokov, Lolita, skrifaðar á ýmsa líkamsparta konu. Á einni myndinni er tilvitnunin skrifuð á fæti hennar, á annarri á bringu hennar og á þriðju á hálsi hennar. Á einni myndinni sést Epstein umkringdur stúlkum sem nudda hann.
Þegar myndirnar voru birtar skrifuðu demókratar í eftirlitsnefndinni á X: „Við munum halda áfram að birta ljósmyndir og skjöl til að veita bandarísku þjóðinni gagnsæi. Það er kominn tími fyrir dómsmálaráðuneytið að birta skjölin.“
Skjölin sem búist er við að verði birt í dag gætu innihaldið ítarlegustu yfirsýn til þessa yfir nær tveggja áratuga rannsóknir yfirvalda á kynferðisofbeldi Epstein gegn unglingsstúlkum og konum. Í mörg ár hefur almenningur krafist þess að skjölin verði gerð opinber, og margir vilja vita hvort einhverjir af auðugu og valdamiklu tengiliðum Epstein hafi vitað af, eða jafnvel tekið þátt, í misnotkun hans.
Þann 19. nóvember undirritaði Donald Trump, sem sjálfur hefur verið í tengslum við Epstein, lög sem veittu dómsmálaráðuneytinu 30 daga frest til að birta flest skjöl og samskipti tengd Epstein, þar á meðal upplýsingar um rannsókn á dauða hans í fangelsi. Dómsmálaráðuneytið hefur ekki tilgreint nákvæman tíma fyrir birtingu skjala, og ótti ríkir um að seinkun eða lokun gæti orðið á síðustu stundu.
Hér fyrir neðan má sjá brot af þeim ljósmyndum sem birtar voru í dag.
Salar KamangarFyrrverandi forstjóri YouTube, Salar Kamangar, var einnig myndaður á viðburðum Epsteins.
David Blaine og Woody Allen ásamt fleirumTöframaðurinn David Blaine (lengst til vinstri) og Woody Allen (lengst til hægri) voru myndaðir með Epstein.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Athugasemdir