Eltingaleikur Íslands endaði með svekkjandi jafntefli

Ísland stal stigi á móti Sviss í milli­riðla­leik liðs­ins á HM í hand­bolta en leiknum lauk 38-38.

Allan leik­inn voru strák­arnir okkar að elta Sviss­lend­ing­ana, sem héldu for­ust­unni mest allan tím­ann en staðan var þó 19-19 í hálf­leik. Allan seinni hálf­leik­inn eða allt fram á síð­ustu mín­útu leiks­ins var Sviss með for­yst­una en þá náði Elliði Snær Við­ars­son að jafna metin með átt­unda marki sínu í leiknum.

Þegar tvær mín­útur voru eftir var Ísland tveimur mönnum fleiri í 50 sek­úndur sem liðið nýtti til að jafna. Ísland var í góðri stöðu í síð­ustu sókn­inni en náðu ekki að nýta það til þess að stela sigrinum.

Íslenska liðið neyð­ist nú til þess að treysta á önnur úrslit, ef það ætlar að kom­ast í átta liða úrslit. Ísland keppir á móti Slóveníu á morgun en mögu­lega er ekki nóg að vinna þann leik.

Sókn­ar­leikur Íslands var til fyr­ir­myndar en það sama er ekki hægt að segja um varn­ar­leik­inn því nán­ast allt virt­ist leka inn hjá Sviss­lend­ing­unum.

Auk Elliða var Orri Freyr Þor­kels­son marka­hæstur í liði Íslands, með átta mörk en Viggó Krist­jáns­son átti sjö mörk, þar af þrjú úr víta­köstum. Viktor Gísli Hall­gríms­son varði sjö mörk í leiknum en Björgvin Karl Gúst­avs­son þrjú.