Inga Sæland, mennta- og barnamálaráðherra, úthlutaði nýlega styrkjum til að efla samstarf og nýsköpun á vettvangi íslenskunnar sem annars tungumáls en greint er frá þessu í tilkynningu frá stjórvöldum.
Um 200 milljónum króna var úthlutað til 17 aðila til að styðja við nýsköpun í íslenskukennslu fyrir innflytjendur og ná til fjölbreyttari hópa með nýju námi, kennsluaðferðum og verkfærum sem eiga að vera aðgengileg öllum.
Samkvæmt stjórnvöldum var leitað eftir nýjum hugmyndum, meðal annars frá þeim sem starfa beint með innflytjendum, með áherslu á samstarf ólíkra aðila og miðlun þekkingar til sem flestra. Öflugt samstarf var eitt af lykilskilyrðum fyrir styrkveitingu og munu verkefnin því stuðla að myndun nýrra samstarfsneta sem efla íslenskukennslu þvert á skólastig, sveitarfélög, stofnanir og atvinnulíf.
Ákveðið var að veita styrk til 17 umsókna sem allar byggja á áhugaverðu samstarfi og nýstárlegum lausnum sem hafa möguleika á að nýtast víða.
Fjölbrautarskólinn í Breiðholti fékk hæsta styrkinn en um er að ræða 31.692.894 krónur fyrir verkefni sem nefnist ÍSAN- íslenska til inngildingar en verkefni er unnið í samstarfi með Menntaskólanum á Ísafirði og Háskóla Íslands.
Hægt er að sjá lista yfir þá sem fengu styrk hér.
Athugasemdir