Ofurfyrirsætan Cristina Pérez Galcenco er látin, aðeins 21 árs að aldri, samkvæmt spænsum fjölmiðlum. Lík hennar fannst á heimili hennar í Malaga á Spáni þriðjudaginn 3. febrúar. Samkvæmt fyrstu upplýsingum bendir allt til þess að andlátið hafi borið að með náttúrulegum hætti, þó frekari upplýsingar hafi ekki verið staðfestar opinberlega.
Spænska dagblaðið ABC greinir frá því að Galcenco hafi nýlega flutt til Malaga þar sem hún hugðist stunda nám við skóla í borginni.
Galcenco hóf fyrirsætuferil sinn ung að árum, aðeins 14 ára gömul, þegar hún steig fyrst á tískupall á Campoamor tískusýningunni í Oviedo á Spáni. Á undanförnum árum hafði hún skapað sér nafn í alþjóðlegum tískuheimi og gengið á tískupöllum í helstu tískuborgum heims, þar á meðal Madrid, Mílanó, París og London, auk þess sem hún tók þátt í sýningum í Kína.
Andlát Galcenco hefur vakið mikla athygli og sorg meðal samstarfsfólks og aðdáenda hennar um allan heim.
Athugasemdir