Innlent

Fagnar dómnum yfir Friðgeiri

„Gríðarleg vanvirðing við fólk sem eru í alvörunni þolendur barnaníðs.“

Brynjar Birgisson

9. febrúar 2026 · 14:35

Birtist fyrir 9 mánuðum.

Baráttukonan Ugla Stefanía Kristjönudóttir Jónsdóttir er ein þeirra sem fagna mjög því að Friðgeir Sveinsson hafi verið dæmdur fyrir hatursorðsræðu en Ugla starfaði sjálf fyrir Samtökin '78 sem urðu fyrir barðinu á ummælum Friðgeirs.

Í ummælum sínum kallaði hann trans fólk og Samtökin '78 perverta og barnaníðinga.

„Ég held að þessi dómur velti upp mikilvægum spurningum um tjáningarfrelsi, mörk og hvert við viljum stefna sem samfélag,“ skrifar Ugla á Facebook.

„Finnst okkur réttlætanlegt að það sé hægt að níðast á einstaklingum og samtökum án takmarkana, og saka þau um grafalvarlega glæpi eins og barnaníð af engu tilefni? Á fólk að þurfa að sitja undir slíku þegjandi og hljóðarlaust? Hér er nefnilega ekki bara verið að lýsa skoðun, heldur henda fram mjög alvarlegum ásökunum um viðurstyggilegan glæp. Sömuleiðis er þetta gríðarleg vanvirðing við fólk sem eru í alvörunni þolendur barnaníðs.“

„Fræðsla Samtakanna ‘78 hefur alla tíð, síðan 1980 þegar fyrstu formlegu fræðslur byrjuðu, snúist um að fræða og vekja athygli á tilvist hinsegin fólks. Þar hefur fólk deilt sinni reynslu, útskýrð eru hugtök og reynt að uppræta fordóma - og eru kjarnaskilaboðin alltaf að við eigum að koma vel fram við hvort annað,“ segir Ugla og telur hana gríðarlega mikilvæga og að hún hafi í raun sjaldan verið mikilvægari en nú.

„Samtökin ‘78, líkt og önnur samtök og stofnanir sinna fræðslu- og forvarnarstarfi í samræmi við samninga og aðalnámskrá. Allar staðhæfingar og upphrópanir um meinta innrætingu, lýsingar á kynlífi eða jafnvel sýnikennsla í skólum landins eru úr lausu lofti gripnar, og uppspuni hræddra einstaklinga sem eyða meiri tíma í samsæriskenningarholum á internetinu en í raunheimum,“ og segist leyfa sér að fullyrða í ljósi starfa sinna hjá Samtökunum '78 til nær tveggja áratuga.

„Að fólk haldi virkilega að eitthvað slíkt væri yfir höfuð leyft segir ýmislegt um vanþekkingu þeirra á skólastarfi, og fordóma þeirra í garð hinsegin fólks. Ég fagna því þessum dómi, og vonast til þess að hann stuðli að því að kæla umræðuna, setja skýr mörk, og sendi þau skilaboð að við getum ekki sakað fólk af tilefnislausu um jafn alvarlegan glæp og barnaníð fyrir það eitt að vera hinsegin. Það hlýtur að segja sig sjálft að það er óviðunandi í frjálsu samfélagi,“ skrifar hún svo að lokum.

Ummælin fjögur

„Ég ætla bara að segja það upphátt!! Þetta er fyrrverandi fræðslustjóri Samtakanna78.. Og þetta er “KARLMAÐUR” Samtökin78 eru í mínum huga ekkert annað í dag en hagsmunasamtök barnaníðinga og annara perverta sem eru að leita að auðveldum fórnarlömbum.. Og svo má ég alls ekki ræða það af því að þá er ég víst “Trans-fóbískur”… Ég er ekkert hræddur við kynferðislega brenglað fólk.. Og ég vill ekki sjá þessa perverta í umgengni við börn.. Og alls ekki að þetta brenglaðra fólk stundi einhverskonar “Kynfræðslu” í skólum.. Þar sem börn þurfa, og verða að sitja undir þessum perverta áróðri er ekki í lagi.. Í raun alger skandall að umburðarlindi með geðsjúkdómum leiði til þess að kynferðislega stórbrengluðu fólki sé bókstaflega hleypt að börnum… Væntanlega til að skoða hvað er í boði…Finna hentug fórnarlömb.. þetta er sturlun.. Alger sturlun… Og Nei, ég mun ekki biðjast afsökunar á því að benda á hið augljósa.“

„Og það þarf líka að fara stoppa þetta hérlendis.. Samtökin 78 hafa að mínu mati verið stórhættuleg börnum síðan að Trans Geðsjúklingarnir tóku þau yfir. Samtökin 78 hafa sett ofuráherslu á að ná til barna… Og ég endurtek her með þá 2 skoðun mína að hegðun og áherslur Samtakanna 78 er að mínu mati ekkert annað en hegðun barnaníðinga á veiðum.“

„Það er blákalt mat mitt að hegðun samtakanna 78 er ekkert annað en barnanýð. Þetta er að mínu mati bæði geðveikt og kynferðislega brenglað fólk sem hefur með orgi, ofsóknum og yfirgangi hrætt þetta auma lið hjá Reykjavíkurborg og Menntastofnun til að gefa eftir.. Það eru pervertar að fara inní kennslustofur að innræta börn á mótunaraldri með lygum og pervertisma… Væntanlega til að geta byrjað að misnota þessi börn sem fyrst.. Má segja að þessi kynferðislega brengluðu geðsjúklingar séu að undirbúa veisluborð framtíðarinnar… Það eru bara til tvö kyn.. Restin er alger geðveiki og þessi geðveiki er komin markvisst inní grunnskóla ungra barna.. Það á að kalla hlutina réttum nöfnum!!“

„Sem betur fer eru einstaklingar að þora að standa í lappirnar gegn þessari geðsturluðu þróun sem Trans Activistar eru að troða uppá börn. – Ég ítreka hér þá skoðun mína að Samtökin 78 séu ekkert annað en Hagsmunafélög Barnaníðinga á veiðum.. Og það á að halda slíku fólki frá börnum.. Það á ekki að hleypa pervertum í greddukasti inní kennslustofur að skoða börn til að innræta með geðveiki..“

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.