Framleiðandi þáttaraðarinnar Tehran fannst látinn á hótelherbergi

Dana Eden, 52 ára fram­leið­andi og einn höf­undur ísra­elsku drama­ser­í­unnar Tehran, lést skyndi­lega í Aþenu í gær, þar sem verið var að taka upp fjórðu þátta­röð ser­í­unnar í Grikk­landi. Þetta stað­festi Kan, rík­is­út­varp Ísraels.

Samkvæmt hebr­eskum fjöl­miðlum fann bróðir Eden hana látna á hót­eli í Aþenu eftir að hún svar­aði ekki skila­boðum hans. Hann hóf leit að henni og fann hana þá líf­vana.

Lögregla á staðnum fyr­ir­skip­aði krufn­ingu til að skera úr um dán­ar­or­sök og hóf jafn­framt söfnun myndefnis úr örygg­is­mynda­vélum og tók skýrslur af starfs­fólki hót­els­ins. Samkvæmt frétt Reuters rann­sakar lög­regla málið sem mögu­legt sjálfs­víg, byggt á fyr­ir­liggj­andi gögnum og vitn­is­burðum.

Minnst sem áhrifamikils leiðtoga í ísraelsku sjónvarpi

Israeli Public Broadcasting Corporation birti yfir­lýs­ingu þar sem and­láts Eden var minnst.

„Við syrgjum frá­fall sam­starfs­konu okkar og sam­starfs­að­ila í fjöl­mörgum fram­leiðslum, þátta­röðum og dag­skrám hjá ísra­elska rík­is­út­varp­inu – Dana Eden,“ sagði í yfir­lýs­ing­unni. „Dana var meðal fremstu ein­stak­linga í ísra­elskum sjón­varps­iðn­aði og gegndi lyk­il­hlut­verki í sköpun og for­ystu nokk­urra af áhrifa­mestu og áber­andi verkum stofn­un­ar­innar. Fagleg og per­sónu­leg arf­leifð hennar mun móta ísra­elskt sjón­varp um ókomin ár.“

Þar kom einnig fram að Eden hefði ferð­ast til Grikk­lands til að fylgj­ast náið með tökum á fjórðu þátta­röð­inni.

Hafna orðrómi um að andlátið

Fram­leiðslu­fyr­ir­tækið á bak við Tehran sagði engar vís­bend­ingar vera um að and­lát Eden tengd­ist refsi­verðri hátt­semi, í kjöl­far orðróms á sam­fé­lags­miðlum um að hún hefði mögu­lega verið myrt af írönskum leyni­þjón­ustu­að­ilum.

„Fram­leiðslu­fyr­ir­tækið vill taka skýrt fram að orðrómur um að and­látið sé glæp­sam­legt eða þjóð­ern­ispóli­tískt er rangur og á sér enga stoð í raun­veru­leik­anum,“ sagði Donna and Shula Productions í yfir­lýs­ingu.

„Við hvetjum fjöl­miðla og almenn­ing til að birta ekki órök­studdar kenn­ingar og sýna ábyrgð og nær­gætni. Þetta er tími mik­illar sorgar fyrir fjöl­skyldu, vini og sam­starfs­fólk,“ sagði enn fremur. „Við viljum varð­veita reisn Dönu og frið­helgi einka­lífs hennar.“

Alþjóðlega verðlaunuð þáttaröð

Tehran hefur hlotið alþjóð­leg verð­laun, þar á meðal International Emmy Awards, og hefur verið sýnd á Apple TV. Serían var skrifuð og sköpuð af Moshe Zonder, Eden og Maor Kohn.

Ákvörð­unin um að nota hluta Aþenu sem stað­gengil fyrir Teheran var tekin eftir að Eden heim­sótti borg­ina í fjöl­skyldu­ferð og varð hrifin af sjón­rænum lík­indum borg­anna. Ísra­elskum rík­is­borg­urum er bannað að ferð­ast til Írans.