Stunguárás átti sér stað í strætisvagni í gær eftir að ágreiningur kom upp milli fullorðins karlmanns og hóps unglinga. Atvikið endaði með því að maðurinn hlaut skurðáverka á hendi. Lögregla hefur málið til rannsóknar í samvinnu við barnaverndaryfirvöld.
DV greindi fyrst frá atvikinu.
Myndband af atvikinu er í dreifingu og sýnir unglinga hrópa að manninum á ensku. Þar má einnig sjá að maðurinn er særður á hendi og greinilega í miklu uppnámi. Blóð er sýnilegt á gólfi strætisvagnsins.
„Lögreglan veitir upplýsingar um málið, við höfum engar upplýsingar um málið,“ sagði Jóhannes Svavar Rúnarsson, framkvæmdastjóri Strætó, við Mannlíf um árásina.
„Varðandi vagnstjóra almennt þegar upp koma alvarleg tilvik þá er hann leystur af og nýr vagnstjóri tekur við,“ sagði Jóhannes um viðbrögð við svona atvikum. „Geri ráð fyrir að honum sé boðin áfallahjálp, en erfitt að ná í farþega þar sem þeir fara út, en viðbragðsaðilar hafa séð um þá.“
Athugasemdir