Yfirvöld í Kína hefur tekið skýra afstöðu með Íran í vaxandi spennu við Bandaríkin, eftir að kínverskt olíuskip sigldi í gegnum Hormuz-sund þrátt fyrir bann Bandaríkjanna.
Samkvæmt gögnum var um að ræða skip sem sætt hefur refsiaðgerðum Bandaríkjanna, en það fór engu að síður í gegnum sundið í því sem túlkað hefur verið sem bein áskorun við yfirráð Washington á svæðinu.
Yfirvöld í Peking hafa jafnframt gagnrýnt aðgerðir Bandaríkjanna harðlega og kallað hafnbannið „óábyrgt“. Þá hafa þau sent skýr skilaboð um að Kína hyggist halda áfram viðskiptum við Íran, óháð þrýstingi frá Bandaríkjunum.
Spennan hefur aukist enn frekar eftir að varaforseti Bandaríkjanna, JD Vance, sakaði Íran um „efnahagslegt hryðjuverk“ vegna lokunar Hormuz-sunds og varaði við gagnaðgerðum.
Bandaríkin, undir stjórn Donald Trump, hafa sett hafnbann á Íran frá því í gær, en þrátt fyrir það hafa nokkur skip farið gegn fyrirmælum og siglt um svæðið.
Á sama tíma eru vísbendingar um að Bandaríkin og Íran íhugi nýjar viðræður til að reyna að binda enda á sex vikna átök ríkjanna áður en vopnahlé rennur út í næstu viku.
Forseti Írans, Masoud Pezeshkian, hefur sagt landið reiðubúið til áframhaldandi viðræðna, þrátt fyrir að fyrri samningalota hafi ekki skilað árangri.
Á meðan heldur alþjóðleg spenna áfram að aukast, þar sem Kína virðist tilbúið að stíga fastar inn í deiluna og ögra áhrifum Bandaríkjanna á svæðinu.
Athugasemdir