Fjörutíu og þriggja ára karlmaður er í mjög alvarlegu ástandi eftir að hafa verið stunginn í hálsinn fyrir utan matvöruverslun í Agaete á norðvesturhluta Kanarí.
Árásin átti sér stað í fyrradag um klukkan 20:00 á litlu torgi nærri Agaete-ströndinni, í Puerto de las Nieves, vinsælu svæði meðal bæði íbúa og ferðamanna. Samkvæmt fyrstu upplýsingum hófst atvikið með rifrildi þar sem maðurinn átti í deilu við fleiri en einn aðila og var sagður æstur.
Í átökunum er talið að einn aðilinn hafi ráðist aftan að honum og stungið hann í hálsinn. Maðurinn, sem er þekktur á svæðinu, féll strax til jarðar með lífshættuleg meiðsl.
Viðbragðsaðilar frá neyðarþjónustu Kanaríeyja, ásamt svæðislögreglu og Guardia Civil, komu á vettvang. Sjúkraflutningamenn veittu manninum fyrstu aðstoð áður en hann var fluttur á Doctor Negrín-sjúkrahúsið í Las Palmas. Ekki hefur verið greint frá núverandi ástandi hans.
Vitni segja árásarmanninn flúið af vettvangi og hefur hann ekki enn fundist. Ekki liggur fyrir hvað lá að baki árásinni, en lögregla rannsakar hvort hún tengist einungis rifrildinu eða eldri deilum.
Guardia Civil hefur hafið leit að manninum sem grunaður er um verknaðinn.
Athugasemdir