CeaseTone sækir í kántrýið á nýju lagi

CeaseTone, lista­manns­nafn Haf­steins Þrá­ins­sonar, gefur út nýtt lag, „Á tóna­flóði“, í dag. Lagið verður fyrsta smá­skífan af þriðju breið­skífu CeaseTone sem vænt­an­leg er í októ­ber 2026.

Í til­kynn­ingu segir Haf­steinn lagið vera „ást­ar­óður til sköp­un­ar­gleð­innar og vin­átt­unnar“.

„Það er svo gaman að deila gleð­inni og ást­inni á sköpun, birt­ing­ar­myndin þarf ekki að vera full­komin, maður sjálfur þarf ekki að vera full­komin,, maður þarf bara að meina það og finna sátt­ina í sinni eigin mynd af útgeislun, sköpun og gleði, mér finnst að það sé svo­lítið það sem ég er einnig að reyna að kjarna í þessu lagi í orðum og stemn­ingu,“ segir hann.

Hann lýsir lag­inu sem tón­list fyrir sam­veru­stundir og hvers­dags­lega gleði.

„Þetta lag er fyrir hóp­ferðir í bílnum, tjald­stóla­hring og kassagítar í úti­legu, erf­iða morgna þar þegar mann vantar smá spark í rass­inn og allar aðrar aðstæður þar sem vilj­inn til að gleðj­ast saman ræður ríkjum sama hvað bjátar á.“

Lagið varð til í hljóð­veri Haf­steins á Granda og þró­að­ist að hans sögn fljótt yfir í nýjan hljóð­heim fyrir hann sjálfan.

„Lagið varð til í hljóð­ver­inu mínu út á Granda, áður en ég vissi af þá var þetta litla fræ orðið að heilu lagi sem kall­aði af ein­hverri ástæðu á smá kán­trý­fýl­ing sem er til­tölu­lega nýr hljóð­heimur fyrir mig en ég sem auð­mjúkur fylgj­andi lista­gyðj­unnar svar­aði kall­inu og úr varð þessi skemmti­lega sam­suða indí rokks, popptón­listar og kán­trý.“

Þá segir hann einnig sér­staka ánægju hafa falist í því að semja á íslensku.

„Það hefur einnig verið ein­stök gleði að temja sér það meira að semja texta á íslensku, fyrri plöt­urnar mínar voru alfarið á ensku því að af ein­hverri ástæðu þá ótt­að­ist ég íslensk­una í texta­smíð, eins og hún væri aðeins of ber­skjald­andi en með árunum hef ég fundið hvað það er miklu auð­veld­ara að segja satt og vera snið­ugur á eigin tungu­máli.“

CeaseTone hefur komið víða við í íslensku tón­list­ar­lífi og starfað meðal ann­ars sem söngv­ari, laga­höf­undur, pródúsent, útsetj­ari og gít­ar­leik­ari fyrir tón­list­ar­fólk á borð við Bubba Morthens, Daða Frey, Unu Torfa, JóaPé x Króla, Tinu Dickow og Yo-Yo Ma.

Auk Haf­steins koma meðal ann­ars að lag­inu Ómar Guð­jóns­son á pedal steel gítar, Sigrún Harð­ar­dóttir á fiðlu, Unnur Jóns­dóttir á selló, Magnús Jóhann Ragn­ars­son á hljóð­gervla og Styrmir Hauksson sem sér um master­ingu.