Yfir 110 sjúkraflutningar

Slökkvi­lið höf­uð­borg­ar­svæð­is­ins sinnti tveimur útköllum vegna elds í grillum á síð­asta sól­ar­hring. Að sögn slökkvi­liðs gekk vaktin ann­ars vel fyrir sig þrátt fyrir tölu­verðan erill.

Í til­kynn­ingu frá slökkvi­lið­inu kemur fram að ekki sé óal­gengt að kvikni í grillum, sér­stak­lega þegar þau hafa ekki verið þrifin reglu­lega. Bent er á að fita sem safn­ast í fitu­skúffur og ann­ars staðar í grillum geti skapað veru­lega eld­hættu.

Slökkvi­liðið hvetur eig­endur grilla til að sinna reglu­legu við­haldi og hreinsun til að draga úr hættu á elds­voðum, sér­stak­lega yfir sum­ar­mán­uð­ina þegar notkun grilla er hvað mest.

Sjúkra­flutn­inga­menn voru einnig önnum kafnir á vakt­inni. Alls voru 113 sjúkra­flutn­ingar sinntir á höf­uð­borg­ar­svæð­inu á síð­asta sól­ar­hring, þar af voru 32 for­gangs­verk­efni sem kröfð­ust skjótra við­bragða.

Samkvæmt upp­lýs­ingum frá slökkvi­lið­inu hefur helgin í heild gengið ágæt­lega fyrir sig og engin stór eða umfangs­mikil verk­efni komið upp þrátt fyrir mik­inn erill.