Munu þurfa dómsúrskurð vegna Jónasar

Hópur sem stendur að gerð heim­ilda­myndar um ævi og störf Jónasar Hall­gríms­sonar hefur áhuga á að láta grafa upp bein skálds­ins og taka úr þeim sýni til erfða­rann­sókna. Til þess að hægt verði að ráð­ast í slíka fram­kvæmd þarf þó fyrst að liggja fyrir dóms­úr­skurður sem heim­ilar hana

RÚV greinir frá mál­inu.

Fjöl­miðla­konan Elín Hirst er meðal þeirra sem komið hafa að und­ir­bún­ingi verk­efn­is­ins, meðal ann­ars með rann­sókn­ar­vinnu og hand­rits­gerð. Aðstand­endur mynd­ar­innar von­ast til að ný gögn og rann­sóknir geti varpað frekara ljósi á lífs­hlaup Jónasar og upp­runa hans.

Einar Á. E. Sæmund­sen, þjóð­garðs­vörður á Þing­völlum, segir að upp­gröft­ur­inn myndi ekki hafa í för með sér umfangs­mikið rask. Graf­reitur Jónasar sé ofanjarðar og kistan stað­sett í steyptu graf­hýsi undir reitnum.

Hann þó segir að engar fram­kvæmdir komi til greina nema dóm­stólar veiti til þess heim­ild. Að fengnum dóms­úr­skurði muni Þing­valla­nefnd taka málið til umfjöll­unar og ákveða hvort leyfa eigi frek­ari fram­gang þess. Verði nið­ur­staðan umsækj­endum í hag gæti verk­efnið haldið áfram í næsta áfanga.