Star Trek-goðsögnin William Shatner, 95 ára, og dóttir hans Melanie, 61 árs, háðu harða en farsæla baráttu við krabbamein á fjórða stigi á sama tíma. Feðginin greindu frá þessari lífsreynslu í tilfinningaþrungnu viðtali við tímaritið People, þar sem þau þakka byltingarkenndum lækningavísindum líf sitt.
Baráttan hófst þegar Melanie greindist með HER2-jákvætt brjóstakrabbamein sem hafði dreift sér í eitla. Á meðan hún gekkst undir stranga 18 mánaða meðferð sem innifól lyfjameðferð, tvöfalt brjóstnám og 30 geislameðferðir dundi annað áfall yfir fjölskylduna. Í júní 2023 greindist faðir hennar, William Shatner, með illkynja sortuæxli á 4. stigi sem þegar var komið í lungu og heila.
Shatner, sem er þekktastur fyrir hlutverk sitt sem Kirk skipstjóri í upprunalegu Star Trek þáttunum, sýndi mikinn fádæma styrk í veikindunum. Melanie lýsir því hvernig hann studdi hana andlega og fjárhagslega í gegnum ferlið, þrátt fyrir eigin alvarlegu veikindi. Shatner gekkst undir aðgerð þar sem andlitsæxli var fjarlægt og fylgdi því eftir með tveggja ára markvissri ónæmisameðferð sem virkjaði hans eigið ónæmiskerfi gegn krabbameinsfrumunum.
Fyrir tveimur áratugum voru lífslíkur sjúklinga með greiningu Shatners aðeins sex til átta mánuðir. Læknir hans, Dr. Omid Hamid, staðfestir hins vegar að leikarinn hafi svarað nýjustu lyfjasamsetningum ótrúlega vel. Seint á árinu 2024 fengu feðginin loks þær fréttir að þau væru bæði alveg laus við krabbamein.
Athugasemdir