Frasier-leikarinn Kelsey Grammer segir að bandaríska menntakerfið jaðri við „ofbeldi gegn börnum“ þar sem kennarar geri of mikið úr göllum Bandaríkjanna og dragi landið niður í kennslu.
Í viðtali við Katie Miller í hlaðvarpi hennar segir Grammer að sumir kennarar kenni börnum að Bandaríkin séu slæmt land. Að hans mati geti það orðið til þess að börn fari að efast um eigið ágæti.
„Ef þú segir börnum að landið þeirra sé slæmt fara þau að velta fyrir sér hvort þau sjálf séu slæm. Það er beinlínis ofbeldi,“ segir Grammer.
Leikarinn gefur jafnframt í skyn að um skipulagða þróun kunni að vera að ræða, án þess þó að færa fram frekari skýringar.
Grammer segist ætla að leggja sitt af mörkum til sögukennslu í Bandaríkjunum. Hann hefur hafið samstarf við samtökin American Revelation Foundation, þar sem hann kemur fram í daglegum fræðslumyndböndum um sögu Bandaríkjanna.
Samkvæmt vefsíðu verkefnisins fjallar hvert myndband um eitt ár í sögu landsins.
Athugasemdir